ເລຂາທິການສະຫະປະຊາຊາດຮຽກຮ້ອງໃຫ້ປະເທດຕ່າງໆໃຫ້ຄວາມຊ່ວຍເຫຼືອຊາວ ໂຣຮິນຢາ ຂະນະດຽວກັນຍັງຂໍໃຫ້ລັດຖະບານມຽນມາໃຫ້ສັນຊາດແກ່ພວກເຂົາ (ໂຣຮິນຢາ) ຫຼື ບໍ່ກໍ່ຕ້ອງມີການໃຫ້ສະຖານະທາງກົດໝາຍ ເພື່ອເຮັດໃຫ້ຊາວໂຣຮິນຢາສາມາດໃຊ້ຊີວິດຕາມປົກກະຕິ ຮວມເຖິງການມີເສລີພາບໃນການເດີນທາງ ການເຂົ້າເຖິງຕະລາດແຮງງານ, ການສຶກສາ ແລະ ການບໍລິການດ້ານສາທາລະນະສຸກ.

ເມື່ອວັນທີ 12 ກັນຍາ ທີ່ຜ່ານມາ ທ່ານ ຊໍ ຮາເຕ ໂຄສົກລັດຖະບານມຽນມາປະກາດວ່າ ທ່ານ ນາງ ອອງ ຊານ ຊູຈີ ທີ່ປຶກສາແຫ່ງລັດ ແລະ ລັດຖະມົນຕີຕ່າງປະເທດມຽນມາ ຈະບໍ່ເດີນທາງໄປເຂົ້າຮ່ວມປະຊຸມຄະນະຜູ້ແທນສະຫະປະຊາ ຊາດສະໄໝສາມັນຄັ້ງທີ 72 ທີ່ນະຄອນຫຼວງນິວຢອກ ໂດຍອ້າງເຫດຜົນ 2 ຂໍ້ຄື: ສະພາບເຫດການຂອງລັດຍະໄຂ່ຍັງການໂຈມຕີຂອງກຸ່ມກໍ່ການຮ້າຍ ແລະ ມີວຽກຫຼາຍຢ່າງທີ່ຕ້ອງເຮັດເພື່ອການດູແລຄວາມປອດໄພຂອງສາທາ ລະນະ ໂດຍທ່ານນາງ ອອງ ຊານຊູຈີ ຈະມີການກ່າວຖະແຫຼງຢ່າງເປັນທາງການ ໃນວັນທີ 19 ກັນຍາ ທີ່ຈະມາຮອດນີ້ ກ່ຽວ ກັບວິກິດການທີ່ກ່ຽວຂ້ອງກັບຊາວໂຣຮິນຢາຢ່າງເຕັມຮູບແບບ.