spot_img
Homeຂ່າວພາຍ​ໃນເຈົ້າໜ້າທີ່ໄດ້ພາໂຕປະທານ ພີເອັສ ຂຶ້ນລົດຕຳຫຼວດອອກໄປຈາກບໍລິສັດ

ເຈົ້າໜ້າທີ່ໄດ້ພາໂຕປະທານ ພີເອັສ ຂຶ້ນລົດຕຳຫຼວດອອກໄປຈາກບໍລິສັດ

Published on

ພາຍຫຼັງທີ່ບັນຫາບໍ່ສາມາດໃຫ້ດອກເບ້ຍເງິນຮ່ວມທຶນແກ່ສະມາຊິກມາຫຼາຍເດືອນ ແລະມີຫຼາຍບັນຫາສ່ອງແສງໃຫ້ສະມາຊິກເຫັນວ່າ ການດຳເນີນງານຂອງບໍລິສັດພີເອັສເລິ່ມມີບັນຫາ ປະທານບໍລິສັດພະຍາຍາມແກ້ໂຕແລະອອກແຈ້ງການປິ້ນໄປປິ້ນມາຫຼາຍເທື່ອ ຫຼ້າສຸດວັນທີ 11 ກັນຍາ 2017 ສະມາຊິກພີເອັສຈຳນວນຫຼາຍໄດ້ຕັດສິນໃຈໄປປັກຫຼັກກົດດັນຢູ່ຕໍ່ໜ້າບໍລິສັດເພື່ອຂໍເຈລະຈາແລະຖອນທຶນຄືນແຕ່ບັນຫາຍັງຕົກລົງກັນບໍ່ໄດ້ ນາງ ສຸກນາລີ ເທບສີເມືອງ ປະທານບໍລິສັດອີກຜູ້ໜຶ່ງ ໄດ້ນັດກັບກຸ່ມຜູ້ຊຸມນຸມວ່າຈະໃຫ້ຄຳຕອບໃນເວລາປະມານ 9:00 ຂອງມື້ຖັດມາ, ກຸ່ມຜູ້ຊຸມນຸມຈຶ່ງປັກຫຼັກກົດດັນຕໍ່ ຮອດວັນທີ 12 ກັນຍາ 2017 ຮອດເວລານັດ 9:00 ກໍບໍ່ເຫັນ ນາງສຸກນາລີອອກມາໃຫ້ຄຳຕອບ ແລະລໍ້ຖ້າຕໍ່ໄປ ຈົນຮອດຕອນບ່າຍ 4 ໂມງ ຈຶ່ງເຫັນເຈົ້າໜ້າທີ່ຕຳຫຼວດຊຸດຮັກສາຄວາມປອດໄພໄດ້ນຳໂຕ ທ້າວ ປໍເຮີ ປະທານຜູ້ໜຶ່ງ ຂອງບໍລິສັດພີເອັສ ຂຶ້ນລົດອອກໄປຈາກບໍລິສັດ.

ໃນຂະນະທີ່ໃນເວລາຕໍ່ມາ, ໄດ້ມີຜູ້ເຜີຍແພ່ຮູບທີ່ຄ້າຍຄື ທ້າວ ປໍເຮີ ແລະ ນາງ ສຸກນາລີ ເທບສີເມືອງ ໄປປາກົດໂຕຢູ່ສະຖານທີ່ແຫ່ງໜຶ່ງ ທີ່ຄ້າຍຄືປາກປະຕູບ່ອນຄຸມຂັງນັກໂທດ.

ໜຶ່ງໃນກຸ່ມສະມາຊິກທີ່ເຂົ້າຮ່ວມຊຸມນຸມກົດດັນດັ່ງກ່າວ ໄດ້ໃຫ້ຂ່າວແກ່ນັກຂ່າວເຮົາວ່າ: ຖ້າບໍ່ພາກັນມາກົດດັນຈັ່ງຊີ້ ບັນຫາກໍຈະບໍ່ຈົບ ບໍ່ມີການແກ້ໄຂ ຈະໄດ້ຫຼືບໍ່ໄດ້ກໍບໍ່ຮູ້ ຍືດເຍື້ອຍາວນານມາເລື້ອຍໆ ທາງບໍລິສັດພະຍາຍາມອອກແຈ້ງການຫຼອກລວງເລື່ອນເວລາມາເລື້ອຍໆ ພວກເຮົາເລີຍຕ້ອງມາກົດກັນ. ເມື່ອນັກຂ່າວຖາມວ່າ: ນາງ ສຸກນາລີ ເທບສີເມືອງ ໄດ້ກ່າວເມື່ອວັນທີ 11 ກັນຍານີ້ວ່າ ສະມາຊິກຫາກພາກັນມາຮ່ວມທຶນເອງ ທາງບໍລິສັດບໍ່ໄດ້ໄປບັງຄັບມາ, ທ່ານມີຄຳຄິດເຫັນແນວໃດ? ສະມາຊິກຜູ້ເກົ່າຕອບວ່າ: ເຖິງແມ່ນວ່າເຮົາສະໝັກໃຈຮ່ວມທຶນ ແຕ່ເຮົາຮ່ວມທຶນບົນພື້ນຖານແຜນການຕະຫຼາດຂອງບໍລິສັດວາງອອກ ໂດຍບອກວ່າ ຮ່ວມທຶນແລ້ວຈະໄດ້ເງິນປັນຜົນເດືອນໜຶ່ງ 6% ແຕ່ບາດເຂົ້າມາຮ່ວມທຶນແທ້ໆ ແລ້ວ ການປັນຜົນ 6% ເຮັດບໍ່ໄດ້ພໍເທົ່າໃດ ແລ້ວກໍເລິ່ມມີບັນຫາ ແລະບໍ່ແບ່ງປັນຜົນໃຫ້ສະມາຊິກອີກເລີຍ ນັ້ນສະແດງໃຫ້ເຫັນວ່າທາງບໍລິສັດບໍ່ສາມາດເຮັດໄດ້ຕາມທີ່ກ່າວໄວ້ໃນສັນຍາ ຈຶ່ງຕ້ອງຮັບຜິດຊອບແລະສົ່ງເງິນທຶນຄືນແກ່ສະມາຊິກ.

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...