spot_img
Homeຂ່າວຕ່າງປະເທດປະທານາທິບໍດີອູແກຣນ ແລະ ຣັດເຊຍ ເຈລະຈາບັນຫາວິກິດການໃນອູແກຣນ ເປັນເທື່ອທຳອິດ

ປະທານາທິບໍດີອູແກຣນ ແລະ ຣັດເຊຍ ເຈລະຈາບັນຫາວິກິດການໃນອູແກຣນ ເປັນເທື່ອທຳອິດ

Published on

 

ປະທານາທິບໍດີແຫ່ງອູແກຣນ ແລະ ຣັດເຊຍ ຈັດກອງປະຸຊຸມປຶກສາຫາທະວິພາຄີຂຶ້ນເປັນຄັ້ງທຳອິດ ທີ່ປະເທດ

ເບລາຣຸດໃນມື້ວັນອັງຄານ 26 ສິງຫາ 2014 ເພື່ອຫາທາງຢຸຕິການຕໍ່ສູ້ໃນພາກຕາເວັນອອກຂອງອູແກຣນ.

 

ສຳນັກຂ່າວຕ່າງປະເທດລາຍງານວ່າ ໃນວັນອັງຄານ 26 ສິງຫາ 2014 ປະທານາທິບໍດີເປໂຕຣ ໂປໂຣເຊນໂກ

ແຫ່ງອູແກຣນ ແລະ ປະທານາທິບໍດີ ວະລາດີເມຍ ປູຕິນ ແຫ່ງຣັດເຊຍ ໄດ້ຈັດກອງປະຊຸມເຈລະຈາກັນໂດຍກົງ

ເລື່ອງວິກິດການອູແກຣນເປັນຄັ້ງທຳອິດ ນອກຮອບການປະຊຸມຜູ້ນຳຊາດສະມາຊິກ ສະຫະພາບພາສີຢູເຣເຊຍ

(Eurasian Customs Union) ແລະ ຜູ້ແທນສະຫະພາບເອີລົບ ທີ່ນະຄອນຫຼວງມິນ ຂອງປະເທດເບລາຣຸດ ແຕ່

ໃນການປະຊຸມຄັ້ງນີ້ ແມ່ນຍັງບໍ່ມີການບັນລຸຂໍ້ຕົກລົງທີ່ສຳຄັນໃດໆເທື່ອ.

 

ການເຈລະຈາກັນ ໃຊ້ເວລາປະມານ 2 ຊົ່ວໂມງ ໂດຍສື່ຂອງອູແກຣນລາຍງານໂດຍອ້າງຄຳເວົ້າຂອງປະທານາທິບໍ

ດີອູແກຣນວ່າ ຈະມີການກຽມແຜນກົນລະຍຸດ ເພື່ອຢຸຕິການຕໍ່ສູ້ລະຫວ່າງກອງທັບລັດຖະບານ ແລະ ຝ່າຍແບ່ງ

ແຍກດິນແດນໂດຍໄວທີ່ສຸດເທົ່າທີ່ຈະເປັນໄປໄດ້ ຕໍ່ມາໄດ້ມີການໂພສຕ໌ຖະແຫຼງການເທິງເວັບໄຊຂອງທ່ານ ໂປໂຣ

ເຊນໂກ ໂດຍລະບຸວ່າ ເປົ້າໝາຍຫຼັກຂອງພວກເຂົາຄືຄວາມສະຫງົບສຸກ ພວກເຂົາກຳລັງຕ້ອງການການກະທຳທີ່

ເດັດຂາດ ເຊິ່ງຈະນຳສັນຕິສຸກມາສູ່ດິນແດນຂອງອູແກຣນ.

 

ໃນຂະນະດຽວກັນ ປະທານາທິບໍດີປູຕິນ ກໍໄດ້ກ່າວໃນງານຖະແຫຼງຂ່າວຫຼັງການເຈລະຈາວ່າ ຣັດເຊຍຈະເຮັດທຸກ

ວິຖີທາງເພື່ອສະໜັບສະໜູນທຸກຂະບວນການສັນຕິພາບຖ້າມັນເກີດຂຶ້ນ ແຕ່ເຂົາກໍຢ້ຳອີກດ້ວຍວ່າ ການອອກ

ເງື່ອນໄຂຂອງການຢຸດຍິງ ຂຶ້ນຢູ່ກັບລັດຖະບານອູແກຣນ ແລະ ຜູ້ນຳກຸ່ມແບ່ງແຍກດິນແດນເປັນອັນຕັດສິນ.

 

 

ບົດຄວາມຫຼ້າສຸດ

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...

ລະທຶກ! ເຮືອສະປີດໂບ໊ດເກີດໄຟໄໝ້ກາງທະເລອັນດາມັນ ປະເທດໄທ

ເລັ່ງອົບພະຍົບຜູ້ໂດຍສານ ຈາກເຫດໄຟໄໝ້ເຮືອສະປີດໂບ໊ດ ບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ. ສຳນັກຂ່າວຕ່າງປະເທດລາຍງານ ເຫດໄຟໄໝ້ເຮືອສະປີດໂບ໊ດບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ ໃນເວລາປະມານ 09:10 ນາທີ ຂອງວັນທີ 1 ເມສາ...

ເພີ່ມຂຶ້ນຕໍ່ເນື່ອງເຫຍື່ອແຜ່ນດິນໄຫວທີ່ມຽນມາ ຫຼ້າສຸດມີຜູ້ເສຍຊີວິດກວ່າ 2,056 ຄົນ

ສະຖານະການແຜ່ນດິນໄຫວໃນມຽນມາຍັງໜ້າເປັນຫ່ວງ ເຈົ້ານ້າທີ່ຕ້ອງເລັ່ງທຳການຄົ້ນຫາ ແລະ ຊ່ວຍຜູ້ລອດຊີວິດອອກມາຈາກໃຕ້ຊາກອາຄານ ຫຼັງຈາກ້າວເຂົ້າສູ່ມື້ທີ 4 ນັບຕັ້ງແຕ່ເກີດເຫດເມື່ອວັນທີ 28 ມີນາ 2025. ສຳນັກຂ່າວຕ່າງປະເທດລາຍນງານໃນວັນທີ 1 ເມສາ 2025 ນີ້,...