ເມື່ອທ້າຍອາທິດທີ່ຜ່ານມາ, ເຈົ້າໜ້າທີ່ໄດ້ຈັບສິກພຣະສົງອົງໜຶ່ງຢູ່ວັດເກົ້າຍອດ ພາຍຫຼັງກວດພົບວ່າຜູ້ກ່ຽວໄດ້ມີສ່ວນພົວພັນກັບສິ່ງເສບຕິດ ແລະ ເປັນຜູ້ຕ້ອງສົງໄສ ອາດຈະຮ່ວມໃນຂະບວນການລັກພຣະພຸດທະຮູບທອງສຳລິດ ຈຳນວນ 2 ອົງຢູ່ວັດດັ່ງກ່າວ ໃນວັນທີ 23 ສິງຫາ 2017 ທີ່ຜ່ານມາ, ຊຶ່ງເປັນພຣະທອງສຳລິດປາງຊະນະມານ, ອົງທີ 1 ມີຄວາມສູງ 78 ຊັງຕີແມັດ, ກ້ວາງ 35 ຊັງຕີແມັດ, ອົງທີ 2 ມີຄວາມສູງ 23,5 ຊັງຕີແມັດ, ກ້ວາງ 8 ຊັງຕີແມັດ.

ເຈົ້າໜ້າທີ່ບອກໃຫ້ຮູ້ວ່າ: ຜ່ານການສືບສວນ-ສອບສວນ ຄະດີດັ່ງກ່າວແມ່ນມີຄວາມຄືບໜ້າດີ ແລະ ກຳລັງເລັ່ງຕິດຕາມຄົນຮ້າຍມາດຳເນິນຄະດີ, ເນື່ອງຈາກວ່າ ພຣະພຸດທະຮູບ 2 ອົງນີ້ເປັນພຣະເກົ່າແກ່ ແລະ ໄດ້ຮັບການຂຶ້ນທະບຽນຈາກກົມມໍລະດົກ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວແລ້ວ, ໂດຍຄາດວ່າອີກບໍ່ດົນຈະສາມາດຈັບຕົວຄົນຮ້າຍ ແລະ ເກັບກູ້ພຣະພຸດທະຮູບກັບຄືນມາໄດ້ໂດຍໄວ.

ແຫລ່ງຂ່າວ: Sengaloun Sayalath