spot_img
Home​ຂ່າວບັນເທິງສິລະປິນແຫ່ງຊາດ ໝໍລຳສະໝານ ເສຍຊີວິດແລ້ວ

ສິລະປິນແຫ່ງຊາດ ໝໍລຳສະໝານ ເສຍຊີວິດແລ້ວ

Published on

ນັບເປັນຂ່າວເສົ້າສະຫຼົດຂອງວົງການບັນເທີງລາວຄັ້ງໃຫຍ່ໜຶ່ງ ທີ່ທ່ານ ສິລະປິນແຫ່ງຊາດ ໝໍລຳສະໝານ ສຸວັນນະສີ ໄດ້ຈາກພວກເຮົາໄປຢ່າງສະຫງົບ ໃນຕອນເຊົ້າມືດຂອງວັນທີ 10 ກັນຍາ 2017 ນີ້ ດ້ວຍໂລກຊະລາ.

ທ່ານລຸງສະໝານ ສຸວັນນະສີ ເປັນໝໍລຳລະດັບລາຊາຄູຂອງລາວຜູ້ໜຶ່ງ ທີ່ມີຄວາມສາມາດທາງດ້ານການລຳປະເພດຕ່າງໆ ໂດຍການແຕ່ງກອນສົດໃນຕອນລຳ ເຊິ່ງເປັນຄວາມສາມາດທີ່ພິເສດພໍສົມຄວນ ແລະກໍໄດ້ເປັນຄູບາອາຈານໃຫ້ແກ່ໝໍລຳລຸ້ນຕໍ່ມາຫຼາຍທ່ານ. ຜົນງານລຳຂອງ ໝໍລຳສະໝານ ມີຢ່າງຫຼວງຫຼາຍ ໂດຍສະເພາະແມ່ນໄລຍະທີ່ຊະລາແລ້ວ ເພິ່ນກໍຍັງໄດ້ສ້າງຜົນງານບໍ່ໄດ້ຂາດ ຈົນຮອດມື້ສຸດທ້າຍຂອງຊີວິດກໍວ່າໄດ້ ເຊິ່ງຜົນງານເຫຼົ່ານັ້ນສາມາດຊົມໄດ້ທາງ Youtube.

ດ້ວຍຜົນງານທີ່ໂດດເດັ່ນ ຮັບໃຊ້ຊາດ ຮັບໃຊ້ສັງຄົມມາຫຼວງຫຼາຍ ດັ່ງນັ້ນ, ເພື່ອເປັນກຽດ ທ່ານ ໝໍລຳສະໝານ ສຸວັນນະສີ ຈຶ່ງໄດ້ຮັບນາມະຍົດ ເປັນນັກສິລະປິນແຫ່ງຊາດ ສາຂາ ສິລະປະການສະແດງ ຈາກນາຍົກລັດຖະມົນຕີລາວ ໃນວັນທີ 25 ພຶດສະພາ 2011 ທີ່ຫໍວັດທະນະທຳແຫ່ງຊາດ ນະຄອນຫຼວງວຽງຈັນ ໃຫ້ກຽດປະດັບຍົດໂດຍທ່ານ ທອງສິງ ທຳມະວົງ ນາຍົກລັດຖະມົນຕີ.

ບົດຄວາມຫຼ້າສຸດ

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...

ຄາດວ່າຈະສຳເລັດໃນຕົ້ນປີ 2026 ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄືບໜ້າແລ້ວ 89.57%

ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄາດຕົ້ນປີ 2026 ຈະສໍາເລັດ ແລະ ເປີດນໍາໃຊ້ຢ່າງເປັນທາງການ. ໂຄງການ ກໍ່ສ້າງໂຮງງານບໍາບັດນໍ້າເປື້ອນນະຄອນຫຼວງວຽງຈັນ ເປັນໂຄງການໜຶ່ງທີ່ຈະຊ່ວຍໃນການປຸງປັບລະບົບສິ່ງແວດລ້ອມ,ໂດຍສະເພາະແມ່ນ ບັນຫາສິ່ງແວດລ້ອມນໍ້າ,...