spot_img
HomeBaby-ແມ່ແລະເດັກສິ່ງທີ່ແມ່ຖືພາໃກ້ເກີດຄວນເຮັດ

ສິ່ງທີ່ແມ່ຖືພາໃກ້ເກີດຄວນເຮັດ

Published on

ໃນຄໍລຳແມ່ ແລະ ລູກມື້ນີ້ເຮົາຈະມາເວົ້າເລື່ອງການກຽມຄວາມພ້ອມເພືອຕ້ອນຮັບສະມາຊິກໃໝ່ ສຳລັບແມ່ຖືພາທີ່ມີອາຍຸຄັນ 8-9 ເດືອນ ຫຼື ໃກ້ຮອດມື້ຄອງເກີດແລ້ວ ສິ່ງທີ່ຕ້ອງເຮັດມີຫຍັງແນ່ເຮົາມາອ່ານໄປພ້ອມກັນເລີຍ

  1. ຕິດຕໍ່ຫາຍາດຜູ້ໃຫຍ່, ຍາດຕີພີ່ນ້ອງເພື່ອແຈ້ງຂ່າວດີໃຫ້ພວກເຂົາຮູ້ ແລະ ບາງເທື່ອທ່ານອາດຂໍຄວາມຊ່ວຍເຫຼືອຈາກພວກເຂົາໃນເວລາທີ່ທ່ານຕ້ອງຢູ່ກຳ (ຢູ່ໄຟ)
  2. ເງິນທີ່ຈະໃຊ້ຈ່າຍໃນຊ່ວງໄລຍະເກີດລູກ, ແຕ່ທາງທີ່ດີຄວນເຮັດປະກັນສຸຂະພາບໄວ້ແມ່ນດີທີ່ສຸດ ເພາະມັນຈະຊ່ວຍແບ່ງເບົາລາຍຈ່າຍສຳລັບຄ່າປິ່ນປົວຕ່າງໆໃນໂຮງໝໍເມື່ອເວລາທ່ານເກີດລູກ
  3. ກະກຽມສະຖານທີ່ຢູ່ໄຟ ແລະ ອຸປະກອນທີ່ຈຳເປັນສຳລັບການຢູ່ໄຟໄວ້ໃຫ້ຄົບ
  4. ຢາພື້ນເມືອງທີ່ຈະມາໃຊ້ຕົ້ມອາບ, ຕົ້ມກິນ ຫຼື ຮາກໄມ້ທີ່ມາໄວ້ກິນແກ້ພິດກຳກໍ່ຄວນກຽມໄວ້
  5. ສຳລັບຄົນທີ່ບໍ່ມີລົດສ່ວນຕົວໃນການເດີນທາງໄປເກີດລູກຢູ່ໂຮງໝໍ ແມ່ນຕ້ອງມີການວາງແຜນເລື່ອງລົດໄວ້ກ່ອນລ່ວງໜ້າ ຈະເອົາລົດໃຜ? ເພື່ອຮອດມື້ມາຈະບໍ່ໄດ້ຫຍຸ້ງຍາກ ແຕ່ຖ້າມັນຈຳເປັນ ແລະ ສຸກເສີນແທ້ໆແນະນຳໃຫ້ໂທຫາລົດໂຮງໝໍ ຫຼື ໂທຫາໜ່ວຍກູ້ໄພໃຫ້ມາຊ່ວຍກໍ່ໄດ້ເຊັ່ນດຽວກັນ
  6. ກຽມເຄື່ອງໃຊ້ບາງຢ່າງທີ່ຈຳເປັນໃນເວລາໄປໂຮງໝໍເຊັ່ນ: ເຄື່ອງນຸ່ງເຈົ້າຂອງ ແລະ ສິ່ງຂອງອື່ນໆທີ່ຄິດວ່າຕ້ອງໄດ້ໃຊ້
  7. ໃນໄລຍະທີ່ລໍຖ້າຮອດມື້ເກີດຜູ່ເປັນແມ່ກໍ່ຄວນສຶກສາຫາຄວາມຮູ້ໃນການລ້ຽງລູກພື້ນຖານໄວ້ກໍ່ດີ
  8. ຄວນເຮັດໃຈໃຫ້ສະບາຍບໍ່ຕື່ນເຕັ້ນ ບໍ່ຕ້ອງຄິດຫຍັງຫຼາຍ
  9. ກິນອາຫານທີ່ມີປະໂຫຍດ ແລະ ສະອາດສະເໝີ
  10. ນອນຫຼັບພັກຜ່ອນໃຫ້ພຽງພໍ
  11. ດູແລສຸຂະພາບຂອງຕົນໃຫ້ດີ ອອກກຳລັງກາຍເບົາໆ ເພື່ອລໍຖ້າມື້ເກີດ

11 ຂໍ້ທີ່ກ່າວມາຂ້າງເທິງນັ້ນ ຄືສິ່ງທີ່ແມ່ໃກ້ເກີດຄວນເຮັດ ເພື່ອໃຫ້ທ່ານມີຄວາມພ້ອມໃນການຕ້ອນຮັບສະມາຊິກໃໝ່ແບບບໍ່ມີແນວຄ້າງຄາ ເຮັດໃຫ້ທຸກຢ່າງສະດວກສະບາຍງ່າຍທັງຕົວເອງ ແລະ ຜູ່ມາເຝົ້າພ້ອມ ສຳລັບຜູ່ເປັນຜົວ ໃນຊ່ວງໄລຍະຖືພາກໍ່ຄວນເອົາໃຈໃສ່ເມຍໃຫ້ດີໆ ແລະ ເປັນພິເສດກວ່າເກົ່າ ເພື່ອໃຫ້ຜູ່ເປັນເມຍມີກຳລັງໃຈ ມີຄວາມສະດວກສະບາຍ ມີຄວາມສຸກທັງກາຍ, ໃຈ ແລະ ຄວາມຄິດ ແລ້ວພວກທ່ານກໍ່ຈະໄດ້ລູກນ້ອຍທີ່ອາລົມດີ ເປັນເດັກທີ່ໜ້າຮັກ.

ບົດຄວາມຫຼ້າສຸດ

ໃຊ້ AI ໃຫ້ເປັນປະໂຫຍດ ຊາຍຊາວອາເມລິການໍາໃຊ້ Chat GPT ໃນການສຸ່ມໂຕເລກເພື່ອຊື້ຫວຍ ຖືກລາງວັນ 100,000 ໂດລາ ຫຼື ປະມານ 2.1 ຕື້ກີບ

ເມື່ອບໍ່ດົນມານີ້ ກາຍເປັນກະແສດັງຢູ່ປະເທດອາເມຣິກາ ເມື່ອມີຊາຍຄົນໜຶ່ງ ອາຍຸ 45 ປີ ອາໄສຢູ່ທີ່ເມືອງ Wyandotte ຣັດ Michigan ສ.ອາເມລິກາ ໄດ້ຖືກຫວຍທ້ອງຖິ່ນ Powerball ພາຍຫຼັງນຳໃຊ້ປັນຍາປະດິດ...

ເສຍຊີວິດສອງຄົນ ເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ລຸດອອກນອກລັນເວ ທີ່ສະໜາມບິນຮົງກົງ

ອຸບັດຕິເຫດເຮືອບິນຂົນສົ່ງສິນຄ້າ ເອມິເຣດ ໄຫຼອອກນອກລັນເວ ທີ່ສະໜາມບິນຮົງກົງ ເຮັດໃຫ້ເສຍຊີວິດສອງຄົນ. ສຳນັກຂ່າວຕ່າງປະເທດລາຍງານໃນວັນທີ 20 ຕຸລາ 2025 ນີ້ວ່າ: ເກີດເຫດເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ໄຫຼອອກນອກລັນເວຕຳກັບລົດຈົນຕົກທະເລ ທີ່ສະໜາມບິນຮົງກົງ ເຊິ່ງເຫດການດັ່ງກ່າວມີເຈົ້າທີ່ເສຍຊີວິດສອງຄົນ. ຕາມການລາຍງານລະບຸວ່າ:...

ຈະເປີດໃຫ້ບໍລິການໃນປີ 2030 ທາງລົດໄຟວຽງຈັນ-ໜອງຄາຍ ໂດຍຈະເລີ່ມລົງມືກໍ່ສ້າງໃນປີ 2027

ກອງ​ປະຊຸມ​ໄດ້​ຈັດ​ຂຶ້ນ​ຢູ່​ກະຊວງ​ໂຍທາ​ທິການ ​ແລະ ຂົນ​ສົ່ງ ​ແຫ່ງ ສປປ ລາວ ​ໃນ​ວັນ​ທີ 17 ຕຸລາ 2025 ​ເພື່ອ​ປຶກສາ​ຫາລື​ກ່ຽວ​ກັບ​ການ​ກໍ່ສ້າງ​ຂົວ​ທາງ​ລົດ​ໄຟ​ຂ້າມ​ແມ່ນ້ຳຂອງ​ແຫ່ງ​ໃໝ່. ກອງ​ປະຊຸມ​ຄັ້ງ​ນີ້​ໄດ້​ເປັນ​ປະທານ​ຮ່ວມ​ຂອງ​ທ່ານ ທ່ານ ຈັນທອນ...

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...