ເມື່ອອາທິດຜ່ານມານີ້ ສານປະຊາຊົນນະຄອນຫລວງວຽງຈັນ ໄດ້ຕັດສີນລົງໂທດ ທ້າວ ສັນຕິສຸກ ອາຍຸ 26 ປີ
ຢູ່ບ້ານຂຸນຕາທ່າ ແລະ ນາງ ຕູ່ ອາຍຸ 23 ປີ ຢູ່ບ້ານສີໄຄທ່າ ເມືອງສີໂຄດຕະບອງ ນະຄອນຫລວງວຽງຈັນ, ທັງ
ສອງແມ່ນຄຸ່ຜົວເມຍກັນ ໃຫ້ຈຳຄຸກຜູ້ລະ 6 ປີ, ພ້ອມປັບໃໝເງິນ 28 ລ້ານກີບ, ໂດຍທັງສອງຖືກເຈົ້າໜ້າທີ່
ຈັບຕົວເມື່ອຕົ້ນປີ 2014 ໃນຂໍ້ຫາຄ້າຂາຍຢາເສບຕິດ, ພ້ອມຂອງກາງຢາບ້າ 234 ເມັດ, ທີ່ຊຸກເຊື່ອງໄວ້ໃນກະ
ເປົາ ເພື່ອເອົາຢາບ້າດັ່ງກ່າວໄປຈຳໜ່າຍໃຫ້ໄວລຸ້ນໃນເຂດເມືອງສີໂຄດຕະບອງ, ໂດຍທັງສອງຮັບສາລະພາບ
ຕໍ່ເຈົ້າໜ້າທີ່ວ່າ: ໄດ້ພາກັນເຄື່ອນໄຫວຄ້າຂາຍຢາເສບຕິດມາແຕ່ຕົ້ນປີ 2013 ເຊິ່ງໄດ້ຊື່ມາຈາກເຄືອຂ່າຍຄ້າ
ຢາເສບຕິດໃນເຂດເມືອງສີໂຄດຕະບອງ ເພື່ອເອົາມາຂາຍໃຫ້ລູກຄ້າເຊິ່ງແມ່ນໄວລຸ້ນຢູ່ຕາມຮ້ານອາຫານ,
ຮ້ານບັນເທິງ ແລະ ໂຮງແຮມໃນເຂດເມືອງສີໂຄດຕະບອງ, ກ່ອນຖືກເຈົ້າໜ້າທີ່ຈັບຕົວມາດຳເນີນຄະດີຕາມ
ລະບຽບກົດໝາຍ.
ແຫຼ່ງຂ່າວ: ລາວພັດທະນາ