ເມື່ອວັນທີ 27 ສິງຫາ 2017 ທີ່ຜ່ານມາ ເອເອຟຊີລາຍງານວ່າ ຊະຕາກຳຊາວໂຣຮິນຈາໃນລັດຍະໄຂ່ຂອງມຽນມາເຂົ້າສູ່ພາວະວິກິດອີກຄັ້ງ ທ່າມກາງການປະທະກັນຢ່າງຮຸນແຮງລະຫວ່າງກອງທັບປົດປ່ອຍອາຣະກັນໂຣຮິນຈາ ຫຼື ອາຣຊາຈົນມີຜູ່ເສຍຊີວິດເກືອບ 100 ຄົນ ຂະນະທີ່ຊາວບ້ານບໍ່ມີບ່ອນຈະຫຼົບໜີໄປທາງໃດ
ນັກຂ່າວເອເອຟພີທີ່ປະຈຳຢູ່ພາກສະໜາມລາຍງານວ່າ ເຈົ້າໜ້າທີ່ບໍ່ພຽງແຕ່ໃຊ້ປືນຍິງຖະລົ່ມພື້ນທີ່ກອງກຳລັງອາຣຊາທີ່ຫຼົບຊ້ອນຕົວຢູ່ ແຕ່ຍັງເປີດສາກຍິງປືນຂັບໄລ່ຊາວບ້ານມຸສລິມໂຣຮິນຈາທີ່ພະຍາຍາມໜີເອົາຊີວິດລອດ ແຕ່ໃນຂະນະດຽວກັນເຈົ້າໜ້າທີ່ປະຈຳຢູ່ຊາຍແດນບັງກາລາເທດກໍ່ບໍ່ຍອມໃຫ້ຊາວໂຣຮິນຈາອົບພະຍົບເຂົ້າເຂດຊາຍແດນຂອງຕົນຄືກັນ
ແມດທິວ ສມິດ ຈາກກຸ່ມສິດທິມະນຸດ Fortify Rights ໃຫ້ສຳພາດວ່າ ສະພາບເຫດການໃນຕອນນີ້ຢູ່ໃນພາວະຮ້າຍແຮງຫຼາຍ ຊາວໂຣຮິນຈາຕ້ອງການຄວາມຊ່ວຍເຫຼືອດ້ານສິດທິມະນຸດຢ່າງຮີບດ່ວນ