ບັນເທີງດາລາກັບລາວໂພສຕ໌ ມື້ນີ້ມີຂ່າວຄາວການປະກວດຂອງເວທີ The 13th China ASEAN Image Pageant ເຊິ່ງຈະຈັດຂຶ້ນ ແຕ່ວັນທີ 26/8 – 17/9/2017 ທີ່ ສປຈີນ. ຖືວ່າເປັນອີກໜຶ່ງເວທີໃຫຍ່ລະດັບອາຊີກໍ່ວ່າໄດ້ ແລະ ໃນປີນີ້ ສປປ ລາວ ກໍ່ໄດ້ສົ່ງສອງສາວງາມຈາກເວທີ ມິສແກຣນລາວ 2017 ເຂົ້າຮ່ວມປະກວດ ໄດ້ແກ່ ນາງກິດສະດາ ວົງໄຊສະຫວາດ ຮອງມີສແກຣນລາວ 2017 ອັນດັບສອງ ແລະ ນາງ ແສງສະຫວັນ ສີຫາລາດ ຮອງມີສແກຣນລາວ 2017 ຮອງອັນດັບສີ່ ຈະເຂົ້າຮ່ວມການປະກວດ ນີ້ຖືວ່າເປັນການຍົກບົດບາດຂອງແມ່ຍິງລາວໃຫ້ທຽບເທົ່າກັບລະດັບສາກົນ ແຟນໆຊາວລາວຢ່າລືມສົ່ງແຮງໃຈໄປເຊຍພວກນາງໃຫ້ປະສົບຜົນສຳເລັດໃນເວທີການປະກວດນີ້ດ້ວຍ
ແຫລ່ງຂ່າວ: ມິສແກຣນລາວ