ໃນວັນທີ 23 ສິງຫາ 2017 ທີ່ຜ່ານມາ, ເຈົ້າໜ້າທີ່ນິຕິວິທະຍານະຄອນຫລວງວຽງຈັນ ສົມທົບກັບ ເຈົ້າໜ້າທີ່ ປກສ ກຸ່ມເພຍວັດໄດ້ລົງກວດກາສະຖານທີ່ພຸດທະສິມມາຢູ່ວັດເກົ້າຍອດເມືອງ ສີສັດຕະນາກນະຄອນຫລວງວຽງຈັນ, ພາຍຫລັງທີ່ມີຄົນຮ້າຍເຂົ້າໄປລັກເອົາພຣະພຸດທະຮູບເກົ່າແກ່ຂອງວັດຈໍານວນ 2 ອົງ, ເປັນພຣະທອງສໍາລິດ ປາງຊະນະມານ, ອົງທີ 1 ມີຄວາມສູງ 78 ຊັງຕີແມັດກວ້າງ 35 ຊັງຕີແມັດ, ອົງທີ 2 ມີຄວາມສູງ 23,5 ຊັງຕີແມັດ ກວ້າງ 8 ຊັງຕີແມັດທີ່ເກົ່າແກ່ ແລະ ໄດ້ຮັບການຂຶ້ນທະບຽນ ຈາກກົມມໍລະດົກ ກະຊວງຖະແຫລງຂ່າວວັດທະນະທຳ ແລະ ທ່ອງທ່ຽວເປັນທີ່ຮຽບຮ້ອຍແລ້ວ.