ສະແຕນເລສເປັນໂລຫະທີ່ເຮັດຄວາມສະອາດງ່າຍເມື່ອທຽບກັບໂລຫະອື່ນໆ ຄືກັນກັບເຄື່ອງປະດັບຕ່າງໆເຊັ່ນ ສາຍຄໍ, ແຫວນ, ປະລັກແຂນ ໃນຄໍລຳ ສາລະໜ້າຮູ້ ມື້ນີ້ແອັດມິນຈະພາທຸກຄົນມາຮູ້ຈັກກັບວິທີເຮັດຄວາມສະອາດເຄື່ອງປະດັບທີ່ເຮັດຈາກສະແຕນເລສໃຫ້ຂາວຄືໃໝ່ມາຝາກ ເຊິ່ງຈະເຮັດແນວໃດນັ້ນເຮົາມາອ່ານໄປພ້ອມກັນເລີຍ
ອຸປະກອນທີ່ຕ້ອງກຽມມີ: ນ້ຳອຸ່ນ, ຜ້າເຊັດ, ນ້ຳຢາເຮັດຄວາມສະອາດ ຫຼື ຢາສີແຂ້ວ
ວິທີເຮັດ: ນຳນ້ຳອຸ່ນເທລົງໃນຊາມ ຈາກນັ້ນກໍ່ເທນ້ຳຢາທຳຄວາມສະອາດລົງໄປປະມານ 1 ຝາ ແລ້ວກໍ່ໃຊ້ຜ້າທີ່ກຽມໄວ້ນັ້ນຈຸ່ມລົງນ້ຳ ປັ້ນຜ້າໃຫ້ສະເດັດນ້ຳ ແລ້ວນຳມາເຊັດຖູເຄື່ອງປະດັບ ຈາກນັ້ນກໍ່ໃຊ້ຜ້າແຫ້ງມາເຊັດເຄື່ອງປະດັບໃຫ້ແຫ້ງສະນິດ ເປັນອັນວ່າຮຽບຮ້ອຍແລ້ວ
ສຳລັບຄົນທີ່ຕ້ອງການໃຊ້ຢາສີແຂ້ວທຳຄວາມສະອາດທ່ານຕ້ອງໝັ້ນໃຈກ່ອນວ່າເຄື່ອງປະດັບຂອງທ່ານເຮັດມາຈາກສະແຕນເລສ 100% ບໍ່ມີການປົນ Silica ຢູ່ນ້ຳ ເຊິ່ງວິທີການເຮັດຄວາມສະອາດກໍ່ຄ້າຍໆກັບການໃຊ້ນ້ຳຢາເຮັດຄວາມສະອາດ
ຫາກຕອນນີ້ເຄື່ອງປະດັບຂອງທ່ານກຳລັງດຳ ຫຼື ໝອງຄ້ຳຢູ່ແມ່ນລອງເຮົາວິທີດັ່ງກ່າວນີ້ໄປໃຊ້ລອງເບິ່ງ