ເມື່ອເອີຍເຖິງວົງ Xtreme ທຸກຄົນຈະຄິດເຖິງ 5 ໜຸ່ມ Boyband ທີ່ຮ້ອນແຮງ ບໍ່ວ່າຈະດ້ວຍຄວາມສາມາດ ແລະທັງການສະແດງທີ່ມີພະລັງດ້ວຍການເຕັ້ນທີ່ພ້ອມພຽງ ເຊິ່ງຄວາມສຳເລັດສ່ວນໃຫຍ່ຖືໄດ້ວ່າມາຈາກຫົວໜ້າວົງ “ໂຕ້ Xtreme” ທີ່ຈະເປັນຕົວຕັ້ງຕົວຕີໃນການນຳພາ ແລະຄວບຄຸມວົງເດີນທາງຈົນມາເຖິງຈຸດນີ້ດ້ວຍຄວາມມຸ່ງໝັ້ນບວກກັບຄວາມສາມາດທີ່ຫາໃຜທຽບຍາກ. ຈົນຕອນນີ້ ໂຕ້ Xtreme ກໍ່ເລື່ອນຕຳແຫນ່ງຂຶ້ນເປັນຜູ້ຈັດການຄ້າຍເພງ KPY Entertaiment ທີມີໜ້າທີ່ເບິ່ງສິລະປິນແຖວໜ້າຫຼາກຫຼາຍຄົນເຊັ່ນ : Xtreme, Tot Lina, Pull-T Club, Bob Freeman, Ting Phailavanh, Bobby Atsavin. ທຸກໆສິລະປິນທຸກໆຜົນງານຕັ້ງແຕ່ເລີ່ມການກະກຽມວາງແຜນປ່ອຍ Single ແມ່ນ ໂຕ້ Xtreme ໄດ້ເປັນຄົນວາງ Concept ແລະ ຄວບຄຸມດູແລທຸກຂັ້ນຕອນລວມໄປເຖິງຂັ້ນຕອນຂອງການເຮັດ MV ກໍ່ເຊັ່ນກັນ ແມ່ນ ໂຕ້ ກໍ່ເປັນຄົນກຳກັບ ແລະ ຕັດຕໍ່ເອງກັບມື,ດ້ວຍຄວາມສາມາດທີ່ມີຄວາມຄິດທັນສະໄໝ ໂຕ້ ຈິ່ງຫາສິ່ງໃໝ່ໆມາສູ່ບົດເພງ, MV ແລະວົງການບັນເທີງບ້ານເຮົາຢູ່ສະເໝີ. ຖືໄດ້ວ່າເປັນອີກໜຶ່ງບຸກຄົນທີ່ມີຄວາມສາມາດຂອງວົງການບັນເທີງລາວເຮົາທີ່ໜ້າຈັບຕາ.
