ທີມຊາດລາວຮຸ່ນອາຍຸບໍ່ເກີນ 22 ປີ ລາຍການບານເຕະຊາຍ ການແຂ່ງຂັນຊີເກມທີ່່ກວາລາລຳເປີ ພາດທ່າເສຍໃຫ້ເພື່ີ່ອນບ້ານມຽນມາ 3-1ຂອງການແຂ່ງຂັນນັດທຳອິດກຸ່ມຄ່ຳຄືນ 16 ສິງຫາ ຜ່ານມາ.

ທີມຊາດລາວຖືກຍິງກ່ອນໃນນາທີ 35 ກ່ອນທີ່ຈະມາຕີສະເໝີໃນໄລຍະຕົ້ນຂອງການແຂ່ງຂັນຕັ້ງສອງໃນນາທີ 59 ເກມການແຂ່ງຂັນເບິ່ງຄືຈະຈົບລົງດ້ວຍການສະເໝີ 1-1 ແຕ່ກໍບໍ່ເປັນເຊັ່ນນັ້ນເມື່ອ 4 ນາທີຂອງການທົດເວລາບາດເຈັບທິມຊາດມຽນມາສາມາດຍິງເພີ່ມ 2 ປະຕູ ເຮັດໃຫ້ທິມຊາດລາວພາດໂອກາດເກັບຄະແນນ. 

ທາງທ່ານ ສຸກສາຄອນ ສີປະເສີດ ບັນນາທິການໜັງສືພິມຂ່າວກິລາ ທີ່ຮູ້ຈັກກັນດີໃນນາມ ຄົນຂ້າງສະໜາມ ອະທິ ບາຍການແຂ່ງຂັນຂອງທິມຊາດລາວວ່າເປັນເຫດການເຮືອລົ້ມບາດຈອດ ເພາະມາເສຍເຖິງສອງປະຕູໃນໄລຍະທົດເວລາບາດເຈັບຂອງການແຂ່ງຂັນຕັ້ງສອງ.

ແຫລ່ງຂ່າວ: ສຳນັກຂ່າວສານປະເທດລາວ