ໃນລະຫວ່າງວັນທີ 6-9 ສິງຫາ 2017 ນີ້ ເຈົ້າທີ່ໄຟຟ້າສາຂາແຂວງອຸດົມໄຊ ຮີບຮ້ອນສ້ອມແປງ ແລະ ປົວແປງເສົາໄຟຟ້າລົ້ມຈໍານວນຫລາຍ ພາຍຫລັງນໍ້າຖ້ວມແຮງຈາກອິດທິພົນຝົນຕົກ ຫນັກໃນວັນທີ 5 ສິງຫາ 2017 ຢູ່ແຂວງອຸດົມໄຊເຮັດໃຫ້ເສົາໄຟຟ້າລົ້ມ ແລະ ​ປະ​ຊາ​ຊົນ​ບໍ່ມີ​ໄຟ​ຟ້າ​ໃຊ້.

ປັດຈຸບັນ ພະ​ນັກ​ງານໄດ້​ສຸມ​ທຸກ​ກຳ​ລັງ​ແກ້​ໄຂ​ຢ່າງ​ເລັ່ງ​ດ່ວນ​ ເພື່ອ​ໃຫ້​ສາ​ມາດ​ກູ້​ລະ​ບົບ​ໄຟ​ຟ້າ​ກັບ​ຄືນ​ພ້ອມ​ທັງ​ຮັບ​ປະ​ກັນ​ຄວາມ​ປອດ​ໄພ ​ແລະ​ ຮັບ​ໃຊ້​ປະ​ຊາ​ຊົນ​ຢ່າງ​ເອົາ​ຈິງ​ເອົາ​ຈັງ.

ແຫລ່ງຂ່າວ: ສຳນັກຂ່າວສານປະເທດລາວ