ສຳນັກຂ່າວເອເອບພີ ລາຍງານໃນວັນທີ 3 ສິງຫານີ້ວ່າ ທ່ານ ດິມິທຣີ ເມດເວເດບ ນາຍົກລັດຖະມົນຕີຣັດເຊຍ ໄດ້ວິຈານມາດຕະການຂວ້ຳບາດຂອງອາເມຣິກາ ຕໍ່ກັບຣັດເຊຍໃນຮອບໃໝ່ນີ້ ຖືເປັນການປະກາດເຮັດສົງຄາມເສດຖະກິດກັບຣັດເຊຍ ຢ່າງເຕັມຮູບແບບ ພ້ອມທັງໄດ້ລະບຸອີກວ່າ ມາດຕະການດັ່ງກ່າວ ໄດ້ທຳລາຍຄວາມຫວັງທີ່ຈະຟື້ນຟູຄວາມສຳພັນ ກັບລັດຖະບານອາເມຣິກາຊຸດໃໝ່ ອີກທັງຍັງສະແດງໃຫ້ເຫັນເຖິງຄວາມອ່ອນແອຂອງ ປະທານາທິບໍດີ ໂດນັນ ທຣັມ ອີກດ້ວຍ.

ທັງນີ້, ສະພາຜູ້ແທນປະຊາຊົນ ສະຫະລັດອາເມຣິກາ ໄດ້ລົງມະຕິຮັບຮອງເອົາຮ່າງກົດໝາຍ ຊຶ່ງມີມາດຕະການຕໍ່ຕ້ານເກົາຫລີເໜືອ ແລະ ອີຣ່ານ ໂດຍມີຈຸດມຸ່ງໝາຍໃສ່ພາກພະລັງງານຂອງຣັດເຊຍ ສົ່ງຜົນເຮັດໃຫ້ລັດຖະບານອາເມຣິກາ ສາມາດຂວ້ຳບາດກັບບໍລິສັດທີ່ກ່ຽວຂ້ອງກັບການພັດທະນາທໍ່ສົ່ງອາຍແກັສຣັດເຊຍ ແລະ ຍັງຕັ້ງຂໍ້ຈຳກັດຕ່າງໆ ຕໍ່ກັບຜູ້ສົ່ງອອກອາວຸດຣັດເຊຍ.