spot_img
Homeຂ່າວເຫດການກົມກອງລວມໝູ່ແຂວງເຊິນລາ ຫວຽດນາມ ໄດ້ຮັບຫລຽນໄຊມິດຕະພາບຈາກ ປະທານປະເທດ ແຫ່ງ ສປປ ລາວ

ກົມກອງລວມໝູ່ແຂວງເຊິນລາ ຫວຽດນາມ ໄດ້ຮັບຫລຽນໄຊມິດຕະພາບຈາກ ປະທານປະເທດ ແຫ່ງ ສປປ ລາວ

Published on

ເຊົ້າວັນທີ 31 ກໍລະກົດ 2017 ຜ່ານມານີ້, ແຂວງເຊີນລາ ສສ. ຫວຽດນາມ ໄດ້ຈັດພິທີຮັບຫລຽນໄຊມິດຕະພາບ ຂອງປະທານປະເທດ ແຫ່ງ ສປປ ລາວ ໃຫ້ກົມກອງລວມໝູ່ຂອງແຂວງເຊີນລາ.

ເຂົ້າຮ່ວມພິທີ ມີທີ່ປຶກສາຝ່າຍສຶກສາວັດທະນະທຳ ຕາງໜ້າໃຫ້ສະຖານທູດລາວ ປະຈຳ ສສ ຫວຽດນາມ, ມີບັນດາຜູ້ຕາງໜ້າຈາກ 8 ແຂວງພາກເໜືອ ສປປ ລາວ, ຝ່າຍຫວຽດນາມມີ ສະຫາຍ ເກີ່ມຫງອກມິງ ຮອງເລຂາພັກແຂວງ, ປະທານປົກຄອງແຂວງ,  ສະຫາຍ ເຈິ່ນແອງຕວນ, ຫົວໜ້າກອງບັນຊາການຕຳຫລວດແຂວງ, ສະຫາຍ ເຈິ່ນຊວນເກືອງ, ຫົວໜ້າກອງບັນຊາການທະຫານແຂວງ ພ້ອມດ້ວຍບັນດາສະຫາຍຈາກພະແນກການຂອງແຂວງເຊີນລາ ກໍໄດ້ເຂົ້າຮ່ວມ.

ສະຫາຍ ນາງ ບຸນພັກ ອິນທະປັນຍາ, ຮອງເຈົ້າແຂວງໄຊຍະບູລີ ໄດ້ເປັນກຽດຂຶ້ນມອບຫລຽນໄຊມິດຕະພາບຂອງ ປະທານປະເທດແຫ່ງ ສປປ ລາວ ໃຫ້ແຂວງເຊີນລາ, ກອງບັນຊາການທະຫານແຂວງ, ກອງບັນຊາການຕຳຫລວດແຂວງ ແຫ່ງ ສສ ຫວຽດນາມ ທີ່ມີຄຸນງາມຄວາມດີ, ປະກອບສ່ວນສຳຄັນເຂົ້າໃນການຊ່ວຍເຫລືອດ້ານທຶນຮອນ, ວຽກງານປ້ອງກັນຊາດ-ປ້ອງກັນຄວາມສະຫງົບ, ຊ່ວຍສ້າງພະນັກງານໃຫ້ແກ່ແຂວງໄຊຍະບູລີ ຕະຫລອດໄລຍະທີ່ຜ່ານມາ, ເປັນການປະກອບສ່ວນສຳຄັນ ເຂົ້າໃນການເສີມຂະຫຍາຍສາຍພົວພັນມິດຕະພາບ, ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມ ໃນໂອກາດສະເຫລີມສະຫລອງ ສອງວັນປະຫວັດສາດ ລາວ-ຫວຽດນາມ ຄື: 40 ປີ ວັນເຊັນສົນທິສັນຍາມິດຕະພາບ ແລະ ການຮ່ວມມື (18/7/1977 – 18/7/2017) ແລະ 55 ປີ ວັນສ້າງຕັ້ງສາຍພົວພັນການທູດ ລາວ-ຫວຽດນາມ (5/9/1962 – 5/9/2017).

ຕາງໜ້າໃຫ້ແຂວງເຊີນລາ ກ່າວປາ​ໄສໃນພິທີມອບຫລຽນໄຊມິດຕະພາບຂອງ ປະທານປະເທດແຫ່ງ ສປປ ລາວ ໃຫ້ກົມກອງລວມໝູ່ຂອງແຂວງເຊີນລາ ໃນຄັ້ງນີ້, ສະຫາຍ ເກີ່ມຫງອກມິງ, ຮອງເລຂາພັກແຂວງ, ປະທານປົກຄອງແຂວງ ໄດ້ສະແດງຄວາມຂອບໃຈ ແລະ ຮູ້ບຸນຄຸນຕໍ່ພັກ, ລັດ, ປະຊາຊົນລາວ ແລະ ແຂວງໄຊຍະບູລີ ໃນໄລຍະຜ່ານມາທີ່ມີຕໍ່ແຂວງເຊີນລາ, ພ້ອມທັງຫວັງວ່າ ໃນຕໍ່ໜ້າການຮ່ວມມືຮອບດ້ານລະຫວ່າງແຂວງເຊີນລາ ແລະ ແຂວງໄຊຍະບູລີ ກໍຄືບັນດາແຂວງພາກເໜືອຂອງ ສປປ ລາວ ຈະສືບຕໍ່ໄດ້ຮັບການປັບປຸງ, ເພີ່ມທະວີຮັດແໜ້ນຄວາມສາມັກຄີແບບພິເສດ ລາວ-ຫວຽດນາມ ຍິ່ງຂຶ້ນ.

 

ແຫລ່ງຂ່າວ: ຂປລ

 

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...