ສຳນັກຂ່າວຕ່າງປະເທດ ລາຍງານໃນວັນທີ 25 ກໍລະກົດນີ້ວ່າ ທ່ານ ຫວາງອີ້ ລັດຖະມົນຕີການຕ່າງປະເທດຈີນ ໄດ້ກ່າວໃຫ້ຄຳໝັ້ນຕໍ່ລັດຖະບານຟິລິບປິນ ໃນມື້ວານນີ້ (25 ກໍລະກົດ) ທີ່ນະຄອນຫລວງມະນີລາ ວ່າຈະຈັດຫາເງິນຊ່ວຍເຫລືອ ຈຳນວນ 20 ລ້ານຢວນ ຫລື ປະມານ 3 ລ້ານໂດລາ ເພື່ອຊ່ວຍຟື້ນຟູເມືອງມາຣາວີ ທີ່ໄດ້ຮັບຄວາມເສຍຫາຍຈາກການຕໍ່ສູ້ກັບກຸ່ມຕິດອາວຸດໄອເອັສ.
ທັງນີ້ ການປະກາດໃຫ້ຄວາມຊ່ວຍເຫລືອດັ່ງກ່າວ ມີຂຶ້ນທ່າມກາງບັນຍາການການພົວພັນລະຫວ່າງ ຈີນ ແລະ ຟິລິບປິນ ກຳລັງມີໃບໜ້າອັນໃໝ່ ພາຍຫລັງການຫັນປ່ຽນນະໂຍບາຍການຕ່າງປະເທດ ຂອງຜູ້ນຳຟິລິບປິນຄົນໃໝ່ ໂຣດຣິໂກ ດູເຕີເຕ ທີ່ໄດ້ໃຫ້ຄວາມສຳຄັນແກ່ຈີນຫລາຍຂຶ້ນ ແລະ ມີທ່າທີຜ່ອນມິດກັບສະຫະລັດອາເມຣິກາ ທີ່ເປັນພັນທະມິດເກົ່າແກ່ມາດົນນັບ 70 ປີ.