ການທີ່ຄົນສອງຄົນຕັກສິນໃຈຄົບຫາກັນ ຫຼື ເຖິງຂັ້ນແຕ່ງງານໃຊ້ຊີວິດຮ່ວມກັນນັ້ນ ກໍ່ຍ້ອນຄົນສອງຄົນມີຄວາມຄິດເຫັນທີ່ກົງກັນ ບາງຄູ່ຮັກກໍ່ຢູ່ກັນໄດ້ດົນຈົນຮອດເຖົ້າແກ່ ແລະ ຕາຍຈາກກັນໄປ, ບາງຄູ່ຮັກກໍ່ຢູ່ກັນໄດ້ບໍ່ດົນ ເພາະອາດຈະເກີດຂຶ້ນຍ້ອນບໍ່ເຂົ້າໃຈກັນ ຫຼື ມັກເຂົ້າໃຈຜິດກັນ ຫຼື ເກີດເສຍຄວາມຮູ້ສຶກໃຫ້ກັນບາງເທື່ອສາເຫດອາດມາຈາກຄຳເວົ້າບາງຄຳເວົ້າ ອາດເບິ່ງຄືວ່າເປັນເລື່ອງເລັກນ້ອຍສຳລັບບາງຄົນ ແຕ່ບາງຄົນນັ້ນມັນແມ່ນເລື່ອງໃຫຍ່ ເຊິ່ງ 5 ປະໂຫຍກຄຳເວົ້າສຳລັບຄູ່ຮັກທີ່ຄວນຫຼີກຈະມີຫຍັງແນ່ນອນ ເຮົາມາຮູ້ຈັກໄປພ້ອມກັນເລີຍ

5 ປະໂຫຍກຄຳເວົ້າຂອງຄົນທີ່ເປັນຄູ່ຮັກກັນບໍ່ຄວນເວົ້າເດັດຂາດ

1. ຢ່າດ່າພໍ່ແມ່ ຫຼື ດູຖູກໂຄດຈຸ້ມເຈື້ອຂອງອີກຝ່າຍ
2. ຢ່າໃຊ້ຄຳເວົ້າຫຍາບຄາຍກັບອີກຝ່າຍເຊັ່ນ ….
3. ຢ່າເວົ້າວ່າ “ແຟນເກົ່າທີ່ເຄີຍລົມມາດີກວ່າເຈົ້າຫຼາຍເທົ່າ”
4. ຢ່າເວົ້າວ່າ “ຂ້ອຍຕ້ອງການໄປມີຄົນໃໝ່ ເພາະເຈົ້າລ້ຽງຂ້ອຍບໍ່ກຸ້ມ”
5. ຢ່າເວົ້າວ່າ “ໄປຕາຍທາງໃດກໍ່ໄປ ເໝັນໜ້າ! ເບື່ອແຮງ”

ທີ່ກ່າວມາຂ້າງເທິງນີ້ອາດເປັນພຽງປະໂຫຍກຄຳເວົ້າບາງສ່ວນເທົ່ານັ້ນ ບາງຄົນອາດຄິດວ່າຄຳພວກນີ້ເປັນຄຳທີ່ບໍ່ຮ້າຍແຮງ ແຕ່ເມື່ອວິເຄສະດີໆແລ້ວມັນເປັັນຄຳເວົ້າທີ່ລະອຽດອ່ອນ ແລະ ສາມາດສົ່ງຜົນກະທົບທາງຈິດໃຈໃຫ້ແກ່ຄົນຟັງໄດ້ ສະນັ້ນ ເພື່ອເປັນການໃຫ້ກຽດ ແລະ ຮັກສານ້ຳໃຈຂອງອີກຝ່າຍ ແມ່ນບໍ່ຄວນຫຼຸດປາກເວົ້າຄຳພວກນີ້ອອກໄປເດັດຂາດຖ້າບໍ່ຢາກໃຫ້ອີກຝ່າຍເສຍຄວາມຮູ້ສຶກ