ທ່ານ ໂດນັລ ທຣັມ ໄດ້ລົງນາມປະກາດຫຼຸດທຸງເປີດກິດຈະການໃນເມື່ອວັນທີ 18 ກໍລະກົດ 2017 ທີ່ຜ່ານມາ ຮຽກຮ້ອງໃຫ້ປະຊາຊົນໃນສະຫະລັດໃຫ້ກຽດແກ່ກຸ່ມຊາວອາເມລິກັນທີ່ທຸ້ມເທທຳງານໜັກເພື່ອຊ່ວຍໃຫ້ປະເທດຈະເລີນກ້າວໜ້າຫຼາຍຂຶ້ນ ສ່ວນໜຶ່ງຂອງກິດຈະກຳຄືມີການຈັດສະແດງສິນຄ້າໃນບໍລິເວນທຳນຽບຂາວ ຜູ່ນຳສະຫະລັດໄດ້ຢ້ຽມຊົມຮ້ານຄ້າຕ່າງໆໃນບໍລິເວນທີ່ຈັດສະແດງສິນຄ້າ ຜູ່ຜະລິດສິນຄ້າຈາກທັງໝົດ 50 ລັດຂອງສະຫະລັດໄດ້ຈັດສະແດງສິນຄ້າຕ່າງໆຕັ້ງແຕ່ເຄື່ອງມືສຳລັບການກະສິກຳໄປຈົນເຖິງໄມ້ຕີເບສບອລ

ຜູ່ນຳສະຫະລັດຢ້ຳວ່າພາຍໃຕ້ນະໂຍບາຍສະຫະລັດຕ້ອງມາກ່ອນເຂົາຈະເດີນໜ້າເຈລະຈາໃໝ່ໃນເລື່ອງຂໍ້ຕົກລົງການຄ້າທີ່ເຂົາເຫັນວ່າບໍ່ເປັນທຳກັບສະຫະລັດ ລະບຸວ່າຜູ່ປະກອບການຄວນຈະຜະລິດສິນຄ້າໃນປະເທດໃຫ້ຫຼາຍຂຶ້ນ ແລະ ຍັງກ່າວເພີ່ມເຕີມວ່າ ລັດຖະບານຢືນຢັນໃຫ້ການສະໜັບສະໜູນທັງບໍລິສັດ ແລະ ຄົນງານຊາວອາເມລິກາ.