ສຳນັກຂ່າວຕ່າງປະເທດລາຍງານຈາກນະຄອນຫຼວງປັກກິ່ງ ປະເທດຈີນ ເມື່ອວັນທີ 16 ກໍລະກົດ 2017 ນີ້ວ່າ ກອງ ທັບຈີນອອກຖະແຫຼງການເມື່ອວັນເສົາວ່າປະຕິບັດການຊ້ອມຮົບ “ໄລຍະໄກ” ຕະຫລອດທັງອາທິດນີ້ ທີ່ຮວມເຖິງການບິນຜ່ານນ່ານຟ້າສາກົນຂອງຊ່ອງແຄບ ມິຍາໂກະ ທາງພາກໃຕ້ຂອງຍີ່ປຸ່ນ ແລະ ຊ່ອງແຄບບາຊີ ທີ່ຢູ່ທາງພາກໃຕ້ຂອງເກາະໄຕ້ຫວັນໃກ້ກັບນ່ານນ້ຳທາງພາກເໜືອຂອງຟິລີບປິນ “ເພື່ອເປັນການທົດສອບສັກກະຍະພາບເພື່ອປ້ອງ ກັນອະທິປະໄຕເໜືອໜ້ານ້ຳທະເລ” ໂດຍລະບຸດ້ວຍວ່າການຊ້ອມຮົບລັກສະນະທີ່ເປັນໄປຕາມກອບຂອງກົດ ໝາຍລະຫວ່າງປະເທດ ຈະເກີດຂຶ້ນຢ່າງຕໍ່ເນື່ອງຕະຫຼອດຊ່ວງໄລຍະເຄິ່ງປີຫຼັງ ແລະ ບໍ່ແມ່ນການ “ສົ່ງສັນຍານ” ເຖິງປະເທດໃດເນື່ອງຈາກມີການກະກຽມໄວ້ດົນແລ້ວ
ເຖິງແນວໃດກໍ່ຕາມ ກະຊວງປ້ອງກັນປະເທດຈີນມີຖະແຫລງການຕອບໂຕ້ຍີ່ປຸ່ນເມື່ອວັນສຸກທີ່ຜ່ານມາ ວ່າລັດຖະ ບານໂຕກຽວຄວນ “ເຮັດຕົວໃຫ້ເຄີຍຊິນ” ກັບການທີ່ເຮືອບິນຮົບຂອງຈີນບິນກາຍນ່ານຟ້າຂອງຍີ່ປຸ່ນບໍລິເວນຊ່ອງແຕບ ມິຍາໂກະ ຫຼັງສົ່ງເຮືອບິນຮົບ 6 ລຳ ຜ່ານເມື່ອອາທິດທີ່ຜ່ານມາ ແລະ ຍີ່ປຸ່ນອອກມາປະທ້ວງ