ຖືວ່າເປັນອີກບົດເພງໜຶ່ງທີ່ອອກມາໃນໄລຍະນີ້ ແລະ ເອີ້ນກະແສໄດ້ພໍສົມຄວນ ກັບເພງ: ຍອມເປັນຄົນໂງ່ ທີ່ໜຸ່ມ ໂອເລ້ ທີໂອພີ ເຈົ້າຂອງເພງ ເພາະອາກາດປ່ຽນແປງ ໄດ້ຈັບໄມມາຮ້ອງຮ່ວມກັບ ໜຸ່ມ ອາເລັກ ໄອທີນ ເຈົ້າຂອງຜົນງານເພງ ເລືອກໃຜ ເຊິ່ງເພງ: ຍອມເປັນຄົນໂງ່ນີ້ແມ່ນໂປຣເຈັກພິເສດທີ່ທາງຄ້າຍຕ້ອງການສ້າງສິລະປິນ ໃນຮູບແບບ ດູໂອ. ເຊິ່ງກໍໄດ້ເຊື້ອເຊີນເອັາສອງໜຸ່ມນີ້ມາຂັບຮ້ອງເພງດັ່ງກ່າວ
ເພງ: ຍອມເປັນຄົນໂງ່ ແມ່ນແຕ່ງໂດຍ: ຜິວພອນ ພົມມີໄຊ ເຊິ່ງມີເນື້ອຫາເວົ້າເຖິງ: ຄວາມຮັກຂອງຜູ້ຊາຍຄົນໜຶ່ງ ທີ່ຍອມເຮັດທຸກໆຢ່າງເພື່ອໃຫ້ໄດ້ຍິງສາວຄົນທີ່ຮັກມາຄຽງຂ້າງ ແລະ ບໍ່ຍອມເສຍສາວຄົນທີ່ຮັກຄົນນັ້ນ ໄປເຖິງວ່າໃຜຈະວ່າເປັນຄົນໂງ່ກໍຕາມ
ສຳລັບມິວສິກວີດີໂອ ແມ່ນຖ່າຍທຳສຳເລັດແລ້ວ ເຊິ່ງໄດ້ ສາວຕັກ ຈັນສຸດາ ອາດວົງສາ ມາສະແດງຮ່ວມກັບ ໜຸ່ມ ນູ່ 831 ເປັນເທື່ອທຳອິດ ເຊິ່ງມີລັກສະນະ ລະຄອນ ຊ້ອນ ລະຄອນ ເຊິ່ງຄາດວ່າຈະໄດ້ຮັບຊົມກັນ ກ່ອນອອກພັນສານີ້.