ພວກກ່ຽວຮ່ວມກັນເຄື່ອນໄຫວລັກຊັບພົນລະເມືອງຫລາຍຄັ້ງຄື ລັກລົດຈັກຫລາຍຄັນ ໃນເຂດບ້ານໂພນປ່າເປົ້າ
ເມືອງຈັນທະບູລີ ບ້ານນາໄຫ ເມືອງຫາດຊາຍຟອງ, ບ້ານໂພນສີນວນ ເມືອງໄຊເສດຖາ ແລະ ເຂດອື່ນໆ ໃນນະຄອນ
ຫລວງວຽງຈັນ, ໂດຍທັງສອງແມ່ນໂຈນຕົວອັນຕະລາຍ ທີ່ເຄື່ອນໄຫວກໍ່ຄວາມບໍ່ສະຫງົບ ແລະ ສ້າງຄວາມເສຍຫາຍ
ຕໍ່ຊັບສີນຂອງພົນລະເມືອງໃນສັງຄົມ ແລະ ຜ່ານມາ ພວກກ່ຽວກໍເຄີຍຖືກດັດສ້າງຢູ່ສູນບຳບັດສົມສະຫງ່າຫລາຍ
ຄັ້ງແລ້ວ, ແຕ່ຍັງບໍ່ມີຄວາມເຂັດຫລາບຈຶ່ງຖືກເຈົ້າໜ້າທີ່ຈັບຕົວມາດຳເນີນຄະດີຕາມລະບຽບກົດໝາຍອີກ.
ຫ້ອງຕຳຫລວດ ປກສ ນະຄອນຫລວງວຽງຈັນໃຫ້ຮູ້ວ່າ: ໃນ 6 ເດືອນຜ່ານມານີ້, ຢູ່ນະຄອນຫລວງວຽງຈັນ ເກີດສະ
ພາບງັດແງະຊັບສີນຂອງພົນລະເມືອງ 89 ຄັ້ງ, ໃນນັ້ນສຳນັກງານລັດ 1 ຄັ້ງ, ເຮືອນປະຊາຊົນ 48 ຄັ້ງ, ບໍລິສັດ, ຫ້າງ
ຮ້ານ ແລະ ໂຮງງານ 30 ຄັ້ງ, ໂຮງແຮມ-ເຮືອນພັກ 5 ຄັ້ງ ແລະ ອົງການຈັດຕັ້ງສາກົນ 5 ຄັ້ງ, ມີຊັບເສຍຫາຍ 1,4 ຕື້
ກວ່າກີບ, 4 ລ້ານ ກວ່າບາດ (ສະກຸນເງິນໄທ), 3 ແສນກວ່າໂດລາສະຫະລັດ, 3 ພັນກວ່າເອີໂຣ, ຄຳຮູບປະພັນ 94 ບາດ,
ລົດໃຫຍ່ 2 ຄັນ ແລະ ອື່ນໆ.
ແຫຼ່ງຂ່າວ: ລາວພັດທະນາ