ສຳນັກຂ່າວເອເອບພີ ລາຍງານໃນວັນທີ 6 ກໍລະກົດຜ່ານມານີ້ວ່າ ນັບຕັ້ງແຕ່ມີການໂຈມຕີຈາກກຳລັງພັນທະມິດ ຊຶ່ງນຳໂດຍສະຫະລັດອາເມຣິກາ ຖິ້ມລະເບີດໃສ່ຖານທີ່ໝັ້ນສຳຄັນຂອງກຸ່ມລັດອິດສະລາມ ຫລື ໄອອັສ ໃນເມືອງຣັກກາ ປະເທດຊີຣີ ໄດ້ສົ່ງຜົນເຮັດໃຫ້ມີພົນລະເຮືອນເສຍຊີວິດແລ້ວເກີນກວ່າ 200 ຄົນ.

ກຸ່ມສັງເກດການສິດທິມະນຸດໃນຊີຣີ ຊຶ່ງມີສຳນັກງານຢູ່ປະເທດອັງກິດ ໄດ້ອອກມາເປີດເຜີຍວ່າ ຕັ້ງແຕ່ໄລຍະໜຶ່ງເດືອນຜ່ານມານີ້ ສະຫະລັດອາເມຣິກາ ໄດ້ສະໜັບສະໜູນການໂຈມຕີທາງອາກາດ ໃສ່ຖານທີ່ໝັ້ນຂອງກຸ່ມໄອເອັສມາໂດຍຕະຫລອດ ສົ່ງຜົນເຮັດໃຫ້ມີພົນລະເຮືອນເສຍຊີວິດໄປແລ້ວ ຢ່າງໜ້ອຍ 224 ຄົນ ຊຶ່ງໃນຈຳນວນນີ້ ມີເດັກນ້ອຍ 38 ຄົນ ແລະ ແມ່ຍິງອີກ 28 ຄົນ.