ທຳນຽມຂາວເຄຣມລິນຖະແຫຼງການໃນວັນນີ້ວ່າ ຣັດເຊຍບໍ່ເຫັນດີກັບປະທານາທິບໍດີ ໂດນັລ ທຣັມ ເຊິ່ງໄດ້ກ່າວຫາຣັດເຊຍວ່າມີພຶດຕິກຳບ່ອນທຳລາຍຄວາມໝັ້ນຄົງ ທ່ານ ດາມິທຣີ ເພສຄອຟ ໂຄສົກທຳນຽບດຄຣມລິນ ກ່າວວ່າ ເຮົາບໍ່ໄດ້ເຫັນດີກັບທ່າທີແບບນີ້ ພ້ອມສະແດງຄວາມເສຍໃຈທີ່ຣັດເຊຍ ແລະ ສະຫະລັດຂາດຄວາມເຂົ້າໃຈເຊິ່ງກັນ ແລະ ກັນ ຕໍ່ຄວາມຄາດຫວັງເຖິງຄວາມສຳພັນໃນອານາຄົດ

ປະທານາທິບໍດີ ໂດນັລ ທຣັມ ຂອງສະຫະລັດຍອມຮັບວ່າ ຣັດເຊຍອາດແຊກແຊງການເລືອກຕັ້ງສະຫະລັດເມື່ອປີທີ່ຜ່ານມາ ແຕ່ກໍ່ອາດມີປະເທດອື່ນໆກ່ຽວຂ້ອງຄືກັນ ທຣັມ ຍັງໄດ້ກ່າວໄປຮອດອາດີດປະທານາທິບໍດີ ບາຣັກ ໂອບາມາ ວ່າ ຫາກມີການແຊກແຊງເລືອກຕັ້ງຕາມທີ່ ໂອບາມາກ່າວຫາແທ້ ເຫດໃດໂອບາມາຈິ່ງບໍ່ເຮັດສິ່ງໃດໃນຊ່ວງທີ່ຍັງດຳລົງຕຳແໜ່ງ

ທັງນີ້ ປະທານາທິບໍດີ ໂດນັລ ທຣັມ ແລະ ປະທານາທິບໍດີ ວາລາດິເມຍ ປູຕິນ ຍັງຈະມີການພົບປະກັນນອກຮອບການປະຊຸມ G20 ທີ່ເມືອງ ຮັມບຣູກ ປະເທດ ເຢຍລະມັນ.