ບັນເທີງຕ່າງແດນກັບ ລາວໂພສຕ໌ ມື້ນີ້ແອັດມິນມີຂ່າວມົງຄຸນສົມຣົດຂອງຄູ່ຮັກຈາກທາງຝັ່ງເກົາຫຼີໃຕ້ມາຝາກ ເມື່ອ ຊົງຈຸງກິ ແລະ ຊອງເຮຄຽວ ປະກາດຢ່າງເປັນທາງການວ່າທັງຄູ່ຈະມີແຜນແຕ່ງງານກັນໃນວັນທີ 31 ຕຸລາ 2017 ທີ່ຈະມາຮອດນີ້ ງານນີ້ແຟນຄລັບຂອງທັງຄູ່ມີເຮກຽມສົ່ງຄຳອວຍພອນໃຫ້ທັງຄູ່ ລວມທັງແອັດມິນພ້ອມ ເພາະສອງຄົນນີ້ຖືເປັນໄອດໍ້ຂອງແອັດມິນເອງທັງຄູ່ເລີຍກໍ່ວ່າໄດ້.

ຈາກຄູ່ຮັກໃນຊີຣີເລື່ອງດັງ Descendants of The Sun ຂອງເກົາຫຼີໃຕ້ ຊົງຈຸງກິ ແລະ ຊອງເຮຄຽວ ກາຍເປັນຄູ່ຮັກໃນຊີວິດແທ້ ແລະ ກຽມເຂົ້າພິທີວິວາ ໂດຍທາງສັງກັດຂອງທັງຄູ່ອອກມາຢືນຢັນຂ່າວ ແລະ ຂໍໃຫ້ທຸກຄົນເຂົ້າໃຈທີ່ມີການປະກາດຂ່າວນີ້ຢ່າງກະທັນຫັນ ໂດຍພິທີານແຕ່ງງານຈະມີຄອບຄົວຂອງທັງສອງຝ່າຍ

ຊົງຈຸງກິ ນັກສະແດງຊາຍໄວອາຍຸ 32 ປີ ກັບ ຊອງເຮຄຽວ ນັກສະແດງຍິງໄວອາຍຸ 35 ປີ ເປັນນັກສະແດງພະນາງຈາກຊີຣີ້ເລື່ອງດັງທີ່ໄດ້ຮັບຄວາມນິຍົມໄປທົ່ວເອເຊຍ ແລະ ຫຼັງຈາກທີ່ຊີຣີ້ຈົບລົງແລ້ວກໍ່ຍັງມີກະແສຂ່າວຕາມມາຢ່າງຕໍ່ເນື່ອງວ່າທັງຄູ່ຄົບຫາກັນ ແຕ່ຕົ້ນສັງກັດຊີ້ແຈງວ່າພວກເຂົາເປັນເພື່ອນໃນກຸ່ມດຽວກັນ ແລະ ທັງຄູ່ກໍ່ປະຕິເສດວ່າເປັນພຽງເພື່ອນຮ່ວມງານກັນ