ນາຍົກລັດຖະມົນຕີອິຣັກປະກາດສິ້ນສຸດຂອງລັດອິສລາມໃນອິຣັກແລ້ວ ຫຼັງຈາກກອງທັບຝ່າຍລັດຖະບານສາມາດຢຶດ ມັສສະຍິດໃນເມືອງ ໂມຊູ ທີ່ກຸ່ມໄອຊິດໃຊ້ໃນການປະກາດກໍ່ຕັ້ງປະເທດຂອງຕົນເອງແຕ່ພຽງຝ່າຍດຽວ

ສຳນັກຂ່າວຕ່າງປະເທດ ລາຍງານວ່າ ນາຍົກລັດຖະມົນຕີ ອິຣັກ ອອກຖະແຫຼງການປະກາດການສິ້ນສຸດຂອງລັດອິສລາມ ຫຼື ‘ຄາລິເຟດ’ ໃນປະເທດແລ້ວ ຫຼັງກອງທັບລັດຖະບານສາມາດຢຶດມັສສະຍິດເກົ່ແກ່ ແລະ ພື້ນທີ່ໂດຍຮອບໃນເມືອງໂມຊູ ໃນເມື່ອວັນພະຫັດທີ 28 ມິຖຸນາ 2017 ທີ່ຜ່ານມາ ລວມໄລຍະເວລາການຕໍ່ສູ້ທັງໝົດ 8 ເດືອນເພື່ອຍາດຊິງສະຖານທີ່ດັ່ງກ່າວທີ່ກຸ່ມໄອຊິດຍຶດຄອງພື້ນທີ່ດັ່ງກ່າວເປັນຖານທັບ.