spot_img
Home​ຂ່າວບັນເທິງໃຜ!!! ຈະໄດ້ເປັນຜູ້ຊະນະລາງວັນລວມມູນຄ່າສູງເຖິງ150 ລ້ານກີບ ໃນໂຄງການ Beerlao Band Challenge season 2

ໃຜ!!! ຈະໄດ້ເປັນຜູ້ຊະນະລາງວັນລວມມູນຄ່າສູງເຖິງ150 ລ້ານກີບ ໃນໂຄງການ Beerlao Band Challenge season 2

Published on

ໃນປີ 2016 ທີ່ຜ່ານມາ ໂຄງການ Beerlao Band Challenge ໄດ້ເປີດສັກກະລາດຢ່າງຍິ່ງໃຫຍ່ໃຫ້ວົງການດົນຕີລາວ ແລະ ໄດ້ສ້າງສິນລະປິນໜ້າໃໝ່ ໂດຍການແຂ່ງຂັນຄັດເລືອກເອົາໄວໜຸ່ມລາວທີ່ມີຄວາມສາມາດ ແລະ ມັກຮັກໃນການຫຼິ້ນດົນຕີເຂົ້າສູ່ການເປັນນັກດົນຕີມືອາຊີບ, ເຊິ່ງໄດ້ສຽງຕອບຮັບ ຈາກສື່ມວນຊົນ ແລະ ຜູ້ຊົມຢ່າງຫຼວງຫຼາຍ.

ມາເຖິງວັນທີ 17 ມີຖຸນາ 2017 ທີ່ຜ່ານມາ ທີ່ສູນການຄ້າລາວໄອເຕັກ (ຕຶກເກົ່າ) Beerlao Band Challenge Season 2 ໄດ້ສືບຕໍ່ເນື່ອງການແຂ່ງຂັນຮອບຄັດເລືອກເພື່ອຄົ້ນຫານັກດົນຕີໜ້າໃໝ່ປະຈຳປີ 2017 ໂດຍມີຜູ້ເຂົ້າແຂ່ງຂັນທັງໝົດເກືອບ 50ວົງ ຄັດໃຫ້ເຫຼືອພຽງ 24ວົງ ເພື່ອເຂົ້າໄປແຂ່ງຂັນໃນຮອບຮອງຊະນະເລີດ ເຊິ່ງໄດ້ຈັດຂຶ້ນໃນວັນທີ 24 ມີຖຸນາ 2017 ທີ່ຜ່ານມາ ທີ່ສູນກິລາໃນຮົ່ມລ້ານຊ້າງ ແລະ ປະຈຸບັນເຮົາໄດ້ 12ວົງ ເຂົ້າໄປແຂ່ງຂັນໃນຮອບຊີງຊະນະເລີດ ທີ່ມີແຜນຈະຈັດຂຶ້ນໃນວັນທີ 15 ກໍລະກົດ 2017 ນີ້.

ເພື່ອຮັບປະກັນຄຸນນະພາບຂອງງານ ແລະ ການແຂ່ງຂັນ Beerlao Band Challenge Season 2 ທາງບໍລິສັດຮ່ວມກັບຜູ້ຈັດງານໄດ້ເຊີນເອົາສີລະປີນຜູ້ຊົງຄຸນນະວຸດ ແລະ ມີຊື່ສຽງໃນວົງການເພງລາວ ທັງໝົດ 5 ທ່ານເປັນຕົ້ນແມ່ນ ສັກ ວົງເຊວ, ຕີ ອຸດາໄລ, ອາລຸນາ ຖາວອນສຸກ, ໝີ ເມກາແບນ ແລະ ສົມສິນ ສະມາຍແບັກດ໋ອກ ເຂົ້າຮ່ວມເປັນກຳມະການຕັດສິນ ແລະ ຝຶກສອນບັນດານ້ອງໆທີ່ໄດ້ຜ່ານເຂົ້າຮອບ.

ນອກຈາກຜູ້ທີ່ເຂົ້າຮ່ວມງານຈະໄດ້ມ່ວນຊື່ນກັບການສະແດງຂອງບັນດາວົງດົນຕີທີ່ເຂົ້າຮ່ວມການແຂ່ງຂັນ, ກ່ອນຈະເຖິງເວລາແຂ່ງຂັນຍັງໄດ້ມ່ວນຊື່ນກັບວົງຣ໋ອກຂວັນໃຈໄວໜຸ່ມມາເປີດເວທີເພື່ອສ້າງສີສັນ ແລະ ເປັນກຳລັງໃຈໃຫ້ນ້ອງໆຜູ້ເຂົ້າຮ່ວມແຂ່ງຂັນອີກດ້ວຍ.

ແລະ ນິ້ຄືລາຍຊື່ຂອງ 12ວົງສຸດທ້າຍທີ່ຈະໄດ້ແຂ່ງຂັນໃນຮອບຊີງຊະນະເລີດໃນວັນທີ 15 ກໍລະກົດ 2017 ທີ່ຈະມາເຖິງນີ້ ລວມມີ: B.06 AUDIO EMPIRE, B.17 N.O.M Music, B.22 JIKUAY, B.05 PUNPUAN, B.09 DYNAMIC, B.23 LAZER, B.24 LIGHT SABER, B.14 INSULT, B.19 ROCK NORMAL, B.16 SEVEN Z, B.08 ZN, B.13 SIXTH SENSE

ຢ່າລືມມາຊ່ວຍກັນເຊຍວົງທີ່ທ່ານມັກ ພ້ອມທັງລຸ້ນວົງຊະນະເລີດຂອງປີນີ້ທີ່ສູນກິລາໃນຮົ່ມລ້ານຊ້າງ.

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...