ຂ່າວບັນເທີງກັບລາວໂພສຕ໌ ມື້ນີ້ເຮົາຈະມາອັບເດດຂ່າວຂອງວ່າທີ່ແມ່ມືໃໝ່ທີ່ທັງງາມທັງເກັ່ງ ກິກ ໄພລິນດາ ອະດີດນາງສາວລາວ 2009 ທີ່ໄດ້ໃຫ້ກຳເນີດເຈົ້າຊາຍໂຕນ້ອຍໆອອກມາມືນຕາເບິ່ງໂລກໃນວັນທີ 21 ມິຖຸນາ 2017 ທີ່ຜ່ານມາ ໂດຍມີຫວານໃຈສາມີສຸດທີ່ຮັກຄອຍໃຫ້ກຳລັງໃຈຢູ່ຄຽງຂ້າງບໍ່ຮ່າງກາຍ ນີ້ເປັນລູກຊາຍຄົນທຳອິດຂອງພວກເຂົາ ນີ້ຖືເປັນຂອງຂັວນຈາກຟ້າ ມັນໄດ້ສ້າງຄວາມສຸກໃຫ້ກັບຊີວິດຄູ່ ເຕີມເຕັມຄວາມສົມບູນແບບໃຫ້ກັບຄອບຄົວ ມີເພື່ອນມິດສະຫາຍ ຍາດພີ່ນ້ອງຕ່າງເຂົ້າມາສະແດງຄວາມຍິນດີຢ່າງຖ້ວນໜ້າ.
ເຊິ່ງໃນຕອນນີ້ທັງລູກ ແລະ ແມ່ແຂງແຮງດີ ຄິດວ່າໜ້າຈະອອກໂຮງໝໍໄດ້ໄວໆນີ້ ທາງທີມງານລາວໂພສຕ໌ ກໍ່ຂໍສະແດງຄວາມດີໃຈກັບກິກ ໄພລິນດາ ແລະ ຜົວຂອງນາງທີ່ໄດ້ເຈົ້າຊາຍຕົວນ້ອຍໆທີ່ໜ້າຮັກມາເປັນສະມາຊິກໃນຄອບຄົວເພີ່ມອີກໜຶ່ງຄົນ.
