ເມື່ອເວລາປະມານ 14:37 ນາທີ ຂອງວັນທີ 21/6/2017 ເກີດເຫດໄຟໄຫມ້ຢູ່ຊັ້ນ 2 ຂອງເຮືອນຫຼັງໜຶ່ງເຂດນ້ຳພຸ ບ້ານ ຊຽງຍືນ ເມືອງຈັນທະບູລີ.

ເຮືອນຫຼັງດັ່ງກ່າວຊັ້ນລຸ່ມເປັນຫ້ອງການສຳນັກພິມ ແລະ ຈໍາໜ່າຍປຶ້ມແຫ່ງລັດ ສປປລາວ ເຊົ່າປະຈຳການ ສ່ວນຊັ້ນສອງທີ່ເກີດໄຟໄໝ້ນັ້ນແມ່ນເຈົ້າຂອງເຮືອນອາໃສຢູ່, ພະນັກງານຂອງຫ້ອງການສຳນັກພິມກ່າວວ່າໄດ້ຍິນສຽງແຕກດັງຈາກຊັ້ນ 2 ແລະ ໄດ້ກິ່ນຂິວຄວັນໄຟ ດັ່ງນັ້ນ ພະນັກງານຂອງສຳນັກພິມຈິ່ງໄດ້ພາກັນຟ້າວຂົນເຄື່ອງອອກຈາກຫ້ອງການໂດຍດ່ວນ ໄຟໄດ້ລຸກລາມໄປໄໝ້ເຮືອນທີ່ຢູ່ຕິດຂ້າງ 1 ຫຼັງ ສາເຫດເບື້ອງຕົ້ນສັນນິຖານວ່າ ອາດເກີດຈາກໄຟຟ້າລັດວົງຈອນ ແລະ ໃນຂະນະເກີດເຫດນັ້ນມີໜ່ວຍກູ້ໄພມາຊ່ວຍ 3 ຄັນ ແລະ ລົດຕັບເພີງມາຊ່ວຍດັບໄຟ 4 ຄັນ ເຊິ່ງຕອນນີ້ສາມາດຄວບຄຸມເພີງໄໝ້ໄດ້ແລ້ວ ບໍ່ມີລາຍງານຜູ່ໄດ້ຮັບບາດເຈັບ ສຳລັບຄວາມເສຍຫາຍໃນເບື້ອງຕົ້ນຍັງຢູ່ໃນການປະເມີນ.

https://www.facebook.com/421087478095038/videos/671951549675295/