ຮຽກໄດ້ວ່ານີ້ແມ່ນການຈັດອັນດັບທີ່ໄດ້ຮັບຄວາມສົນໃຈໃນທຸກປີ ລົດລະດັບໄຮເປີຄາຣ ທີ່ມີຄວາມໄວ ແລະ ແຮງ ເລື່ອງລາຄາກໍ່ມະຫາໂຫດ ຕ້ອງລະດັບມະຫາເສດຖະເທົ່ານັ້ນຈິ່ງພໍຊື້ໄດ້ ແລະ ນີ້ຄື 5 ອັນດັບລົດທີ່ແພງທີ່ສຸດໃນໂລກ ປະຈຳປີ 2017 ມາເບິ່ງພ້ອມກັນວ່າຈະມີລົດຮຸ້ນໃດແດ່
ອັນດັບທີ 5 Ferrari Pininfarina Sergio ລາຄາ 3 ລ້ານໂດລາ
ນີ້ຄືລົດທີ່ແພງທີ່ສຸດໃນບໍລິສັດ Ferrari ຄວາມແຮງ 562 ແຮງມ້າ ເຄື່ອງບົນ 4.5 ລິດ V8
ອັນດັບ 4 Bugatti Veyron ຮຸ້ນ Limited Edition n by Mansory Vivere ລາຄາ 3.4 ລ້ານໂດລາ
ນີ້ຄືຮຸ້ນພິເສດທີ່ປະກອບຕົວຖັງຂຶ້ນຈາກຄາຣບອນໄຟເບີ ຊຸດສະປອຍເລີໃໝ່ທັງໜ້າ ແລະ ຫຼັງ ຮຸ້ນນີ້ມີຄວາມແຮງເຖິງ 1,200 ແຮງມ້າ ແລະ ມີຄວາມໄວສູງສຸດຢູ່ທີ່ 408 ກິໂລແມັດ/ຊົ່ວໂມງ
ອັນດັບທີ 3 W Motors Lykan Hypersport ລາຄາ 3.4 ລ້ານໂດລາ
ນີ້ຄືໜຶ່ງໃນລົດທີ່ຖືກນຳເຂົ້າໄປໃນຮູບເງົາແຂ່ງລົດສຸດໂດ່ງດັງຢ່າງ Fast and Furious 7 ເປັນໄຮເປີຄາຣສັນຊາດເລບານອນ ມີພຽງ 7 ຄັນໃນໂລກ ຜະລິດອອກມາເມື່ອປີ 2013 ຄວາມແຮງ 740 ແຮງມ້າ ຄວາມໄວສູງສຸດທີ່ 385 ກິໂລແມັດ/ຊົ່ວໂມງ
ອັນດັບ 2 Lamborghini Veneno ລາຄາ 4.5 ລ້ານໂດລາ
ຍົກລະດັບຄວາມແພງຂຶ້ນມາທີ່ລົດໄຮເປີຄາຣຂວັນໃຈຊາຍໜຸ່ມທົ່ວໂລກຢ່າງ Lamborghini Veneno ຄັ້ງໜຶ່ງມັນເຄີຍຄອງຕຳແໜ່ງ ລົດທີ່ແພງທີ່ສຸດໃນໂລກ ມັກຖືກສ້າງຂຶ້ນໃນໂອກາດຄົບຮອບ 50 ປີຂອງ Lamborghini ຄວາມແຮງ 740 ແຮງມ້າ ແລະ ຄວາມໄວ 0-100 ກິໂລແມັດ/ຊົ່ວໂມງ ໄດ້ພາຍໃນ 2.9 ວິນາທີເທົ່ານັ້ນ
ອັນດັບທີ 1 Koenigsegg CCXR Trevita ລາຄາ 4.8 ລ້ານໂດລາ
ແພງທີ່ສຸດໃນໂລກ ເວລານີ້ຕ້ອງຍົກໃຫ້ Koenigsegg CCXR Trevita ໄຮເປີຄຣາຈາກບໍລິສັດລົດສັນຊາດສະວິເດນ ມີພຽງ 3 ຄັນໃນໂລກ ມາພ້ອມກັບເຄື່ອງຍົນ V8 ຂະໜາດ 4.8 ລິດ ຄວາມແຮງ 1,004 ແຮງມ້າ ຄວາມໄວສູງສຸດທີ່ 400 ກິໂລແມັດ/ຊົ່ວໂມງ ທັງແພງ ແລະ ມີໜ້ອຍຄັນ
