ສຳນັກຂ່າວຕ່າງປະເທດລາຍງານຈາກນະຄອນຫຼວງ ວໍຊິງຕັນ ປະເທດສະຫະລັດອາເມລິກາ ເມືອວັນທີ 20 ມິຖຸນາ 2017 ວ່າກະຊວງປ້ອງກັນປະເທດສະຫະລັດ ລາຍງານເມື່ອວັນອັງຄານ ວ່າ ເຮືອບິນສອດແນມອາຣຊີ-135 ຂອງແພນຕາກອນ ປະທະກັບເຮືອບິນຂັບໄລ່ຊູ-27 ຂອງກອງທັບຣັດເຊຍ ໃນບໍລິເວນນ່ານຟ້າສາກົນຂອງທະເລບອລຕິກ ເມື່ອວັນຈັນທີ່ຜ່ານມາ ໂດຍເຮືອບິນລຳດັ່ງກ່າວຂອງຣັດເຊຍເຊິ່ງມີການຕິດອາວຸດ “ເຄື່ອນທີ່ດ້ວຍຄວາມໄວ” ເຂົ້າໄປຫາເຮືອບິນຂອງສະຫະລັດ ແລະ ຖິ້ມໃນອາວຸດລົງໄລຍະຫ່າງບໍ່ຮອດ 5 ແມັດ ຖືເປັນການສະແດງອອກຂອງນັກບິນກອງທັບຣັດເຊຍທີ່ຂາດຄວາມເປັນມືອາຊີບ ແລະ ສ່ຽງຕໍ່ການເກີດອັນຕະລາຍທີ່ສຸດ

ທາງກະຊວງປ້ອງກັນຄວາມສະຫງົບຂອງຣັດເຊຍອອກຖະແຫຼງການລະບຸວ່າ ເຮືອບິນຊູ-27 ຂອງຣັດເຊຍ ຈຳເປັນຕ້ອງເຂົ້າສະກັດກັ້ນເຮືອບິນອາຣຊີ-135 ຂອງສະຫະລັດ ຫຼັງພົບວ່າເຮືອບິນຂອງອີກຝ່າຍເຄື່ອນທີ່ໃນທິດທາງມຸ່ງໜ້າເຂົ້າສູ່ເຂດນ່ານຟ້າຂອງຣັດເຊຍ ແຕ່ເຮືອບີນອາຣຊີ-135 ກັບບິນເຂົ້າມາໃກ້ ແລະ ຫັກລ້ຽວເຂົ້າມາໃນໄລຍະໃກ້ ແຕ່ໃນທີ່ສຸດອາກາດສະຍານຂອງສະຫະລັດເປັນຝ່າຍຖອຍອອກໄປຫ່າງຈາກການເຂົ້າສູ່ເຂດນ່ານຟ້າຂອງຣັດເຊຍ