“ຂະຍຸ” ສັດສະຫງວນພິເສດບັນຊີທີ I ທີ່ໃກ້ສູນພັນທີ່ສຸດໃນໂລກ, ມີຊື່ພາສາອັງກິດວ່າ Laotian Rock Rat ແລະ ມີຊື່ທາງວິທະຍາສາດວ່າ Laonastes aenigmamus ໂດຍທັງຊື່ທີ່ເປັນພາສາອັງກິດ ແລະ ຊື່ທາງວິທະຍາສາດມີຄຳວ່າ “Lao ລາວ” ນຳໜ້າ ກໍ່ຍ້ອນວ່າເປັນສັດທີ່ໃນໂລກນີ້ສາມາດພົບໄດ້ສະເພາະຢູ່ປະເທດລາວ ເຂດພູຫິນປູນ ແຂວງຄຳມ່ວນເທົ່ານັ້ນ.

ຂະຍຸ ຖືວ່າເປັນໜຶ່ງໃນສັດດຶກດຳບັນ ເນື່ອງຈາກບັນພະບູລຸດຮ່ວມວົງຕະກູນຂອງພວກມັນໄດ້ສູນພັນໄປຕັ້ງແຕ່ 11 ລ້ານປີກ່ອນ ດັ່ງນັ້ນ, ຂະຍຸ ຈຶ່ງມີອີກໜຶ່ງຊື່ທີ່ເອີ້ນກັນວ່າ “ຊາກດຶກດຳບັນມີຊີວິດ”
ຂໍ້ມູນຈາກ: ທ່ອງທ່ຽວລາວ