ສຳນັກຂ່າວຕ່າງປະເທດລາຍງານຈາກນະຄອນຫຼວງມະນິລາ ປະເທດ ຟິລິບປິນ ເມື່ອວັນທີ 10 ມິຖຸນາ 2017 ວ່າ ສະຖານທູດອາເມລິກາປະຈຳນະຄອນຫຼວງມະນິລາ ລາຍງານເມື່ອວັນເສົາ ວ່າ ໜ່ວຍຮົບພີເສດຂອງກອງທັບສະຫະລັດເຂົ້າຮ່ວມປະຕິບັດການທາງການທະຫານໃນເມືອງມາຣາວີ ທີ່ເກາະມິນດາເນົາ ທາງພາກໃຕ້ຂອງຟິລິບປິນ ເພື່ອໃຫ້ຄວາມຊ່ວຍເຫຼືອເຈົ້າໜ້າທີ່ຝ່າຍຄວາມໝັ້ນຄົງຂອງລັດ ໃນການປາບປາມກຸ່ມຕິດອາວຸດເມົາເຕ້ ເຊິ່ງຍັງຄົງຢຶດຄອງພື້ນທີ່ບາງສ່ວນຂອງເມືອງເອົາໄວ້ຢ່າງໜຽວແໜ້ນ ຕັ້ງແຕ່ທ້າຍເດືອນທີ່ຜ່ານມາ
ຢ່າງໃດກໍ່ຕາມ ລາຍງານຂອງສະຖານທູດສະຫະລັດບໍ່ໄດ້ຊີ້ແຈງລາຍລະອຽດວ່າກອງທັບສະຫະລັດເຂົ້າໄປມີສ່ວນຮ່ວມກັບສະຖານະການໃນເມືອງມາຣາວີເທື່ອ ໂດຍໄດ້ລະບຸພຽງວ່າການດຳເນີນການເປັນໄປຕາມການຂໍຮ້ອງຈາກລັດຖະບານຟິລິບປິນ ຂະນະທີ່ສື່ທ້ອງຖິ່ນລາຍງານການພົບເຫັນເຮືອບິນປາບເຮືອດຳນ້ຳແບບ “ພີ-3 ໂອໄຣອອນ” ລຳໜຶ່ງບິນໃນເຂດນ່ານຟ້າເມືອງມາຣາວີ ເມື່ອວັນສຸກທີ່ຜ່ານມາ ແຕ່ຍັງບໍ່ພົບເຫັນຄວາມເຄື່ອນໄຫວຂອງທະຫານອາເມລິ ກາໃນພາກພື້ນດິນ ຂະນະທີ່ໂຄສົກກອງທັບຟິລິບປິນກ່າວວ່າ ຄວາມຊ່ວຍເຫຼືອຈາກສະຫະລັດກ່ຽວຂ້ອງສະເພາະໃນທາງເທັກນິກເທົ່ານັ້ນ.
ວິດີໂອຈາກ: ABS-CBN News