ສຳນັກຂ່າວຕ່າງປະເທດລາຍງານຈາກນະຄອນຫຼວງໂຊລ ປະເທດເກົາຫຼີໃຕ້ ເມື່ອວັນທີ 10 ມິຖຸນາ 2017 ວ່າ ທ່ານ ຈອງ ອີ ຍອງ ທີ່ປຶກສາດ້ານຄວາມໝັ້ນຄົງປະຈຳທຳນຽບປະທານາທິບໍດີ ເກົ່ຫຼີໃຕ້ ກ່າວເມື່ອວັນສຸກວ່າ ການຕັດສິນໃຈຂອງລັດຖະບານໃນການເລື່ອນການຕິດຕັ້ງສ່ວນປະກອບຂອງລະບົບປ້ອງກັນທາງອາກາດ THAAD ເປັນໄປຕາມການປະເມີນຂອງຜູ່ຊ່ຽວຊານກ່ຽວກັບຜົນກະທົບດ້ານສິ່ງແວດລ້ອມ ແລະ ມາດຕະການອື່ນໆພາຍໃນປະເທດທີ່ກ່ຽວຂ້ອງ ເພື່ອສ້າງຄວາມເຊື່ອໝັ້ນໃຫ້ແກ່ທຸກຝ່າຍວ່າການດຳເນີນການໃນອານາຄົດຈະເປັນໄປຕາມຂະບວນ ການທີ່ເປັນປະຊາທິປະໄຕ
ທ່ານ ຈອງ ກ່າວເພີ່ມອີກວ່າ ລັດຖະບານໂຊລຊຸດປັດຈຸບັນເຂົ້າໃຈດີເຖິງຄວາມສຳຄັນຂອງການຕິດຕັ້ງລະບົດທາດ ໃນປະເທດ ວ່າເພື່ອປົກປ້ອງອະທິປະໄຕຂອງເກົາຫຼີໃຕ້ ແລະ ກອງທັບສະຫະລັດຢູ່ໃນປະເທດ ໃຫ້ລອດພົ້ນຈາກໄພຕຸຕາມຈາກເກົາຫຼີເໜືອ ຢ່າງໃດກໍ່ຕາມການຫາແນວທາງອື່ນໆຮ່ວມກັນໃນການປົກປ້ອງປະເທດຈາກໂຄງການດ້ານຂີປະນາວຸດຂອງເກົາຫຼີເໜືອຈະເປັນໜຶ່ງໃນຫົວຂໍ້ທີ່ສຳຄັນທີ່ປະທານາທິບໍດີມຸນ ແຈ-ອິນ ຈະຍົກຂຶ້ນມາປຶກສາຫາລື ກັບ ປະທານາທິບໍດີ ໂດນັລ ທຣັມ ໃນລະຫວ່າງການເດີນທາງຢ້ຽມຢາມນະຄອນຫຼວງວໍຊິງຕັນໃນຊ່ວງໄລຍະທ້າຍເດືອນນີ້.
ເຊິ່ງຄຳປະກາດຂອງຜູ່ນຳເກົາຫຼີໃຕ້ ມັນໄດ້ສ້າງຄວາມບໍ່ພໍໃຕໃຫ້ແກ່ສະຫະລັດ ເມື່ອວັນພຸດທີ່ຜ່ານມາ ດ້ວຍການລະງັບການຕິດຕັ້ງສ່ວນປະກອບຂອງລະບົບທາດທີ່ີຍັງເຫຼືອອີກ 4 ອັນອອກໄປກ່ອນ ຈົນກວ່າຈະມີການປະເມີນຜົນກະທົບດ້ານສິ່ງແວວລ້ອມຈະສຳເລັດ ເຊິ່ງມິລາຍງານວ່າອາດຕ້ອງໃຊ້ເວລາດົນເກືອບ 1 ປີ ໂດຍຄຳສັ່ງດັ່ງກ່າວເປັນໄປຕາມຄຳສັນຍາຂອງທ່ານ ມຸນທີ່ໄດ້ກ່າວໃນຊ່ວງເວລາຫາສຽງ ວ່າຈະ “ທົບທວນ” ການຕິດຕັ້ງລະບົບທາດໃນປະເທດ ທີ່ເປັນຂໍ້ຕົກລົງເຊິ່ງເປັນການຕິດຕັ້ງຂຶ້ນໂດຍລັດຖະບານຊຸດເກົ່າ
ວິດີໂອຈາກ: ARIRANG NEWS