ເມື່ອວັນທີ 17 ສິງຫາ 2014 ທີ່ຜ່ານມາ ສຳນັກຂ່າວຕ່າງປະເທດລາຍງານວ່າ ເກົາຫຼີເໜືອຂູ່ຈະໂຈມຕີເກົາຫຼີໃຕ້
ຢ່າງບໍ່ປານີ ຫາກເກົາຫຼີໃຕ້ຍັງຄົງດັນໄປຊ້ອມຮົບກັບສະຫະລັດອາເມຣິກາ ດັ່ງທີ່ເຄີຍໄດ້ຊ້ອມຮ່ວມກັນມາຕະຫຼອດ.
ການຂູ່ໂຈມຕີຄັ້ງລ່າສຸດນີ້ ເກີດຂຶ້ນໃນວັນທີ 17 ສິງຫາ 2014 ທີ່ຜ່ານມາ ຫຼັງຈາກທີ່ເກົາຫຼີໃຕ້ ກຳລັງກຽມການຊ້ອມ
ຮົບກັບສະຫະລັດອາເມຣິກາ ບໍລິເວນຖານທັບໃນເກົາຫຼີໃຕ້ພາຍໃນອາທິດນີ້ ເຊິ່ງເປັນພາລະກິດທີ່ທັງສອງປະເທດ
ຮ່ວມກັນເຝິກຊ້ອມມາໂດຍສະຫຼອດ, ແຕ່ກໍໄດ້ສ້າງຄວາມບໍ່ພໍໃຈໃຫ້ກັບເກົາຫຼີເໜືອມາໂດຍຕະຫຼອດເຊັ່ນດຽວກັນ
ໂດຍຈາກຖະແຫຼງການຂອງລັດຖະບານເກົາຫຼີເໜືອ ໄດ້ລະບຸວ່າ ເກົາຫຼີເໜືອຂໍປະກາດອີກເທື່ອໜຶ່ງວ່າ ຈະໂຈມຕີ
ເກົາຫຼີໃຕ້ ດ້ວຍວິທີການໂຈມຕີແບບບໍ່ປານີໃຜ ຖ້າຫາກສະຫະລັດອາເມຣິກາ ແລະ ເກົາຫຼີໃຕ້ ຍັງຄົງສືບຕໍ່ທີ່ຈະດຳ
ເນີນການຊ້ອມຮົບຮ່ວມກັນອີກ ເຊິ່ງຖ້າຫາກໄດ້ໂຈມຕີແລ້ວ ສະຫະລັດ ແລະ ເກົາຫຼີໃຕ້ ຈະໂທດໃຜບໍ່ໄດ້.