ພັດທະນາການຂອງລູກນ້ອຍ ສົ່ງເສີມໄດ້ຕັ້ງແຕ່ລູກຍັງເລັກ ເພາະຈະຊ່ວຍໃຫ້ສະໝອງຂອງລູກນ້ອຍມີການພັດທະນາທີ່ດີ ແລະ ຮຽນຮູ້ຈົດຈຳສິ່ງຕ່າງໆ ຮອບຕົວເປັນຢ່າງດີ ມື້ນີ້ໃນຄໍລຳແມ່ ແລະ ລູກ ແອັດເລີຍມີເຄັດລັບດີໆ ທີ່ນຳມາຈາກວາລະສານ Mother & Care ມາແນະນຳໃຫ້ຮູ້ໄປພ້ອມກັນ.

1. ພັດທະນາການຮັບຣົດຊາດ
         ກຽມອາຫານທີ່ມີຜິວຕ່າງກັນໄວ້ໃຫ້ລູກໄດ້ລອງສຳພັດເຊັ່ນ: ນຸ້ມ, ກອບ, ໜຽວ, ແລະ ມີຣົດຊາດຕ່າງໆ ທັງຫວານ, ເຄັມ, ສົ້ມ, ຂົມ, ຝາດ, ເຜັດເລັກໜ້ອນ ໃຫ້ລູກໄດ້ລອງຊຶມ

2. ພັດທະນາການໄດ້ຍິນ
ຊວນລູກໃຫ້ສົນໃຈຟັງສຽງຮອບຂ້າງເຊັ່ນ: ການຟັງສຽງຄົນເວົ້າ, ສຽງໝາເຫົ່າ, ແມວຮ້ອງ, ໄກ່ຂັນ, ສຽງລົດ, ສຽງບາດຍ່າງ, ສຽງຝົນຕົກ, ສຽງນ້ຳໄຫລ ແລະ ສຽງອື່ນໆ

3. ພັດທະນາການເບິ່ງເຫັນ
ຊວນໃຫ້ລູກເບິ່ງຮູບຮ່າງ, ສີສັນ, ຂະໜາດ ລັກສະນະຕ່າງໆ ພາລູກຍ່າງໄປເລາະສຳຫຼວດເບິ່ງເຄື່ອງໃຊ້ໃນເຮືອນ, ດອກໄມ້ໃບຫຍ້າຢູ່ສວນສາທາ ແລະ ຊວນລູກເບິ່ງໃນສິ່ງອື່ນໆ

4. ພັດທະນາການຮັບກິ່ນ
ລອງໃຫ້ລູກຮຽນຮູ້ໃນການດົມກິ່ນອາຫານ, ກິ່ນດອກໄມ້, ກິ່ນໝາກໄມ້ ແລະ ກິ່ນອື່ນໆ

5. ພັດທະນາການເຄື່ອນໄຫວສຳພັດ
ຊວນລູກຫຼິ້ນການປັ້ນດິນ, ພາລູກຍ່າງຢຽບຫຍ້າ, ຢຽບດິນຊາຍ, ພາລູກຈັບນ້ຳ,​ຈັບກ້ອນຫີນ, ຈັບຄົ້ນໄມ້ ຈັບຍິ້ວ, ໃຫ້ລູກສຳພັດເຖິງຄວາມອຸ່ນ, ເຢັນ, ຄວາມຫຍາບ, ຄວາມນຸ້ມ ແລະ ອື່ນໆ