ສຳນັກຂ່າວເອເອຟພີລາຍງານວ່າ ປະທານາທິບໍດີ ໂດນັລ ທຣັມ ແຫ່ງສະຫະລັດອາເມລິກາ ສ້າງຄວາມຜິດຫວັງໃຫ້ກັບພັນທະມິດໃນອົງການສົນທິສັນຍາປ້ອງກັນແອດແລນຕິກເໜືອ ຫຼື ນາໂຕ ເນື່ອງຈາກທຣັມບໍ່ຍອມປະກາດເລື່ອງການປະຕິບັດຕາມມາດຕາ 5 ຂອງນາໂຕ້ ທີ່ລະບຸຫາກປະເທດສະມາຊິກນາໂຕປະເທດໃດຖືກໂຈມຕີຈາກປະເທດທີ່ບໍ່ແມ່ນສະມາຊິກນາໂຕ ບັນດາປະເທດສະມາຊິກນາໂຕທັງໝົດຈະຕ້ອງຖືວ່າຢູ່ໃນສະຖານະສົງຄາມກັບປະເທດທີ່ເຮັດການໂຈມຕີ ໃນເວທີການປະຊຸມສຸດຍອດຜູ່ນຳນາໂຕ ເຊິ່ງຈັດຂຶ້ນທີ່ນະຄອງຫຼວງ ບຣັສເຊລ ປະເທດເບລຢຽມ ເມື່ອວັນທີ 25 ພຶດສະພາ 2017 ແຕ່ກັບຕຳນິວ່າຍັງມີສະມາຊິກຂອງນາໂຕອີກ 23 ປະເທດຈາກ 28 ປະເທດ ບໍ່ຍອມຈ່າຍເງິນຈຳນວນທີ່ສົມຄວນຈະຈ່າຍເພື່ອເປັນການປ້ອງກັນປະເທດຂອງຕົນເອງ.
ທຣັມກ່າວວ່າ ເຖິງແມ່ນວ່າປະເທດເຫຼົ່ານີ້ຈະຈ່າຍເງິນຕາມສັນຍາເມື່ອປີ 2013 ທີ່ວ່າຈະ່າຍເງິນຄ່າປ້ອງກັນປະເທດໃນອັດຕາສ່ວນ 2% ຂອງລາຍຮັບທັງໝົດຂອງປະເທດ (ຈີດີພີ) ໃຫ້ແຕ່ມັນກໍ່ຍັງບໍ່ພຽງພໍສຳລັບວຽກງານຂອງນາໂຕ ແລະ ບໍ່ເປັນທຳກັບຊາວອາເມລິກັນ ແລະ ຜູ່ເສຍພາສີໃນສະຫະລັດ ຂະນະທີ່ປະເທດເຫຼົ່ານີ້ກັບນັງຕິດໜີ້ເປັນຈຳນວນມະຫາສານໃນຊ່ວງໄລຍະຫຼາຍປີທີ່ຜ່ານມາ.