ສະພາບເສັ້ນທາງ ແຕ່ເມືອງກາສີ ແຂວງວຽງຈັນ ຫາເມືອງນານແຂວງຫລວງພະບາງ ຈຸດຊົມວິວ ເສັ້ນທາງຫຍຸບ ເປັນຄື້ນເປັນຮ່ອງ ສະນັ້ນ, ຜູ້ທີຂີ່ລັດເກັງ ຄວນຫລີກລ້ຽງການນຳໄຊ້ເສັ້ນທາງນີ້ຊົວຄາວ ລໍຖ້າການສ້ອມແປງ.
ວັນທີ 25 ພຶດສະພາ 2017 ນີ້ ນັກຂ່າວສະຖານີວິທະຍຸກະຈາຍສຽງແຫ່ງຊາດ ໄດ້ລາຍງານວ່າ ເສັ້ນທາງຜ່ານພູສູງລະຫວ່າງເມືອງກາສີ ແຂວງວຽງຈັນ ໄປຫາເມືອງນານ ແຂວງຫຼວງພະບາງ ນອກຈາກທັດສະນະວິໄສບໍ່ດີ ເນື່ອງຈາກມີເມກໝອກກົ້ວທຶບແລ້ວ ສະພາບເສັ້ນທາງຍັງມີການຫຍຸບ ແຕກແຫງຢ່າງໜັກ ລົດຂະໜາດນ້ອຍແລະເຕັ້ຍບໍ່ສາມາດຜ່ານໄປໄດ້ ທັງຍັງມີຄວາມສ່ຽງທີ່ຈະເກີດດິນເຈື່ອນ ເສັ້ນທາງຫຍຸບສະໄລ້ລົງໄດ້ທຸກເວລາ.
ໃນຂະນະທີ່ກົມອຸຕຸນິຍົມແລະອຸທົກກະສາດໄດ້ອອກແຈ້ງເຕືອນມື້ວານນີ້ວ່າ ວັນທີ 24-25 ພຶດສະພານີ້ ເກືອບທົ່ວປະເທດ ຈະມີຝົນຕົກ, ລົມພັດແຮງ, ຟ້າຮ້ອງ, ຟ້າຜ່າ ຈຶ່ງຂໍໃຫ້ຜູ້ທີ່ຈະເດິນທາງໄກຕ້ອງກວດສອບສະພາບເສັ້ນທາງໃຫ້ດີກ່ອນ.
ແຫຼ່ງຂ່າວ: ວິທະຍຸກະຈາຍສຽງແຫ່ງຊາດ