Homeຂ່າວທ້ອງຖິ່ນສປປ ລາວ ຈັດກອງປະຊຸມ ໜ່ວຍງານຜູ້ຊ່ຽວຊານ ດ້ານການເກັບກູ້ລະເບີດ

ສປປ ລາວ ຈັດກອງປະຊຸມ ໜ່ວຍງານຜູ້ຊ່ຽວຊານ ດ້ານການເກັບກູ້ລະເບີດ

Published on

​ໃນ​ວັນ​ທີ 23 ພຶດສະພາ​ 2017 ຢູ່ ນະຄອນຫລວງ​ວຽງ​ຈັນ, ສປປ ລາວ ​ໄດ້​ເປັນ​ເຈົ້າ ພາບ​ ຮ່ວມຈັດ​ກອງ​ປະຊຸມ ໜ່ວຍ​ງານ​ຜູ້​ຊ່ຽວຊານ ​ດ້ານ​ການ​ເກັບ​ກູ້​ລະ​ເບີດ​ ເພື່ອ​ມະນຸດ​ສະ​ທຳ​ ຄັ້ງທີ 5 ​ໃນ​ຂອບ​ກອງ​ປະຊຸມ​ ລັດຖະມົນຕີ ​ປ້ອງ​ກັນ​ປະ​ເທດ​ອາ​ຊຽນ ​ແລະ ອາ​ຊຽນບວກ​ ກັບ​ຣັດ​ເຊຍ ​ໃນ​ຮອບ​ວຽນ​ທີ 2 ​ໂດຍ​ການ​​ເປັນ​ປະທານ​ຮ່ວມ ຂອງ​ທ່ານ ພັນ​ເອກ ​ໄພ​ວັນ ຈັນທະ​ພົມມາ ຮອງ​ຫົວໜ້າ​ກົມ​ພົວພັນ​ຕ່າງປະ​ເທດ, ຫົວໜ້າ​ໜ່ວຍ​ງານ​ວິຊາ​ການ ​ເຈົ້າໜ້າ​ທີ່​ອາວຸ​ໂສ​ ປ້ອງ​ກັນ​ປະ​ເທດ​ອາ​ຊຽນ ຂອງ ສປປ ລາວ ​ແລະ ທ່ານ ພັນ​ເອກ ອາບຣາມົບ ​ແຊັກ​ເກ ວັດ​ສິຣິວິດ ຫົວໜ້າ​ເຫລົ່າ​ຮົບ​ຊ່າງ​ແສງ ກອງທັບຣັດ​ເຊຍ.

ກອງ​ປະຊຸມ​ຄັ້ງນີ້, ຈະ​ໄດ້​ປຶກສາ​ຫາລື​ແຜນການ 3 ປີ ຂອງ​ກອງ​ປະຊຸມ​ໜ່ວຍ​ງານ ​ຜູ້​ຊ່ຽວຊານ​ດ້ານ​ການ​ເກັບ​ກູ້​ລະ​ເບີດ ​ເພື່ອ​ມະນຸດ​ສະ​ທຳ ​ຄັ້ງທີ 5 ​ດັ່ງກ່າວ ​ເພື່ອ​ແລກປ່ຽນ​ບົດຮຽນ ​ແລະ ການ​ປະຕິບັດ​ງານ​ທີ່​ດີ ໃນ​ການ​ເກັບ​ກູ້​ລະ​ເບີດ ​ເພື່ອ​ມະນຸດສະທຳ ຖື​ເປັນ​ການ​ຊ່ວຍ​ເຫລືອ ເຊິ່ງກັນ​ ​ແລະ ກັນ ​ໃນ​ການ​ແກ້​ໄຂ​ບັນຫາ​ລະ​ເບີດ ທີ່​ບໍ່​ທັນ​ແຕກ​ໃຫ້​ມີ​ປະສິດ​ທິຜົນ ກໍ​ຄື​ການ​ເສີມ​ສ້າງ​ ຂີດ​ຄວາມ​ສາມາດ, ຄວາມ​ໄວ້​ເນື້ອ​ເຊື່ອ​ໃຈ, ຄວາມ​ເຊື່ອ​ໝັ້ນ ລະຫວ່າງ ​ປະ​ເທດ​ສະມາຊິກກອງ​ປະຊຸມ​ລັດຖະມົນຕີ​ ປ້ອງ​ກັນ​ປະ​ເທດ​ອາ​ຊຽນ ​ແລະ ອາ​ຊຽນບວກ ​ໃນ​ຂົງ​ເຂດ​ວຽກ​ງານ​ເກັບ​ກູ້​​ລະເບີດ ​ເພື່ອ​ມະນຸດສະທຳ.

 

​ຮຽບຮຽງຂ່າວ: ສຸກ​ສະຫວັນ
ພາບປະກອບຂ່າວ ​: ​ໄອ່​ຄຳ
ແຫລ່ງຂ່າວ: kpl.gov.la

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...