ໃນໂລກຍຸກໃໝ່ເບິ່ງຄືວ່າຫຸ່ນຍົນ ແລະ ລະບົບປັນຍາປະດິດທີ່ມີ Deep learning ຈະສາມາດເຂົ້າມາເຮັດວຽກແທນມະນຸດໄດ້ເກືອບຈະທຸກຢ່າງ ນັບຕັ້ງແຕ່ພະນັກງານທີ່ຜະລິດໃນໂຮງງານ ໄປຈົນຮອດວຽກທີ່ລະອຽດອ່ອນຢ່າງທີ່ປຶກສາການລົງທຶນ ລະບົບສະໝອງອັດສະລິຍະມີແນວໂນ້ມທີ່ຈະເຂົ້າມາເຮັດວຽກແທນມະນຸດໄດ້ທັງໝົດ ເຮັດໃຫ້ຄົນເຮັດດວຽກຫຼາຍໆສາຂາອາຊີບເກີດຄວາມກັງວົນຢ້ານຕົກງານ ແລະ ອີກໜຶ່ງອາຊີບທີ່ມີແນວໂນ້ມວ່າຫຸ່ນຍົນຈະເຂົ້າມາເຮັດວຽກແທນນັ້ນກໍ່ຄື ອາຊີບນັກຂັບເຮືອບິນ
ດ້ວຍຄວາມຮ່ວມມືກັນລະຫວ່າງ ໜ່ວຍງານການວິໄຈເທັກໂນໂລຢີເພື່ອການປ້ອງກັນປະເທດຂອງສະຫະລັດອາເມ ລິກາ ຫຼື ບໍລິສັດວິໄຈທາງສະໜາມບິນຢ່າງ Aurora Flight Sciences ໄດ້ສ້າງລະບົບແຂນກົນຫຸ່ນຍົນອັດສະລິຍະ Aircrew Labor In-Cockpit Automation System (ALIAS) ທີ່ເຮັດໜ້າທີ່ແທນນັກບິນໄດ້ຢ່າອັດສະຈັນ
ແລະ ພາຍໃນອາທິດນີ້ ທາງ DARPA ແລະ Aurora ມີຄວາມພູມໃຈທີ່ຈະປະກາດວ່າ ຫຸ່ນຍົນແຂນກົນ ALIAS ຂອງພວກເຂົາປະສົບຄວາມສຳເລັດໃນການຄວບຄຸມການບິນ ແລະ ການນຳເຮືອບິນໂດຍສານຂະໜາດໃຫຍ່ຢ່າງ Boeing 737 ລົງຈອດໄດ້ຢ່າງປອດໄພ ແລະ ເຖິງແມ່ນວ່າການທົດສອບຄັ້ງນີ້ ຈະເປັນພຽງການຂຶ້ນບິນແບບຈຳ ລອງຜ່ານລະບົບຄອມພິວເຕີທີ່ມີຄວາມສົມຈິງທີ່ສຸດ (Filght simulation) ແຕ່ກໍ່ຖືວ່າເປັນກ້າວທຳອິດແຫ່ງຄວາມສຳເລັດທີ່ໜ້າພູມໃຈຂອງເທັກໂນໂລຢີຫຸ່ນຍົນແຂນກົນ ແລະ ແນ່ນອນວ່າຈະມີການນຳລະບົບ ALIAS ໄປທົດລອງຄວບຄຸມເຮືອບິນແທ້ໃນອານາຄົດ.
ວິດີໂອປະກອບຈາກ: Aurora Flight Sciences