ສຳນັກຂ່າວເອເອຟພີລາຍງານຈາກນະຄອນຫຼວງກາຣາກັສ ປະເທດ ເວເນຊຸເອລາ ເມື່ອວັນທີ 21 ພຶດສະພາ 2017ວ່າ ມີຜູ້ເສຍຊີວິດແລ້ວ 47 ຄົນ ແລະ ຖືກຈັບ 2,200 ຄົນ ນັບຕັ້ງແຕ່ການເດີນຂະບວນປະທ້ວງຂັບໄລ່ ມາດູໂຣ ຂຶ້ນເມື່ອວັນທີ 1 ເມສາ 2017 ທີ່ຜ່ານມາ. ເຊິ່ງເມື່ອວັນເສົາທີ່ຜ່ານມາກໍ່ງົບຮອບ 50 ມື້ຂອງການປະທ້ວງ ມີປະຊາຊົນຫຼັ່ງໄຫລອອກມາຊຸມນຸມປະທ້ວງເປັນຈຳນວນຫຼາຍທີ່ສຸດເທົ່າເຄີຍມີມາ ທ່ານ ຮວນ ອັນເດຣສ ເມເຍຍ ສ.ສ. ໜຶ່ງໃນແກ່ນນຳການປະທ້ວງກ່າວວ່າ ການປະທ້ວງຄັ້ງໃໝ່ມີເປົ້າໝາຍສະແດງໃຫ້ລັດຖະບານມາດູໂຣເຫັນວ່າ ຝ່າຍຕໍ່ຕ້ານຍັງມີພະລັງເຫຼືອເຟືອ
ໃນການປະທ້ວງເກີດເຫດການປະທະກັນລາຍວັນ ລະຫວ່າງກຸ່ມຜູ້ປະທ້ວງກັບຕຳຫຼວດ ແລະ ທະຫານ ການປະທ້ວງໄດ້ລຸກລາມໄປທີ່ເມືອງຕ່າງໆ ທົ່ວປະເທດ ປະຊາຊົນອອກມາຮວມຕົວກັນປະທ້ວງເພື່ອສະແດງຄວາມບໍ່ພໍໃຈໃນການບໍລິຫານຈັດການເສດຖະກິດຂອງ ມາດູໂຣ ທັງໆທີ່ເວເນຊູເອລາ ເປັນປະເທດທີ່ມີປະລິມານນ້ຳມັນດິບສຳຮອງຢ່າງມະຫາສານ ແລະ ປະເທດເກີດພາວະຂາດສິນຄ້າອຸປະໂພກບໍລິໂພກພື້ນຖານຢ່າງໜັກ ແລະ ຕໍ່ເນື່ອງ ແລະ ຈາກການປະເມີນຂອງກອງທຶນການເງິນລະຫວ່າງປະເທດ ຫຼື ໄອເອັມເອັຟ ຄາາດວ່າຕົວເລກເງິນເຟີຂອງເວເນຊູເອລາຈະສູງເຖິງ 720% ໃນປີນີ້ ນອກຈາກນັ້ນເວເນຊູເອລາຍັງເປັນໜຶ່ງໃນປະເທດທີ່ມີສະຖິຕິການເກີດອາດສະຍາກອນຫຼາຍທີ່ສຸດໃນໂລກ.
https://youtu.be/gIf5G7wA4B8
ວິດີໂອຈາກ: VENEZUELA NOTICIA