ນອກຈາກຈະໃຊ້ຊີວິດໃຫ້ຄຸ້ມຄ່າເກີດມາແລ້ວ ເຮົາຕ້ອງດູແລສຸຂະພາບກາຍ ແລະ ຈິດໃຈ ໃຫ້ດີອີກດ້ວຍ ແນ່ນອນວ່າການອອກກຳລັງກາຍ ແລະ ການກິນອາຫານທີ່ມີປະໂຫຍດນັ້ນ ຈະເຮັດໃຫ້ເຮົາມີສຸຂະພາບທີ່ແຂງແຮງປາສະຈາກໂຣກໄພ ປ່ວຍເຈັບໄຂ້ຍາກ ນັ້ນກໍ່ຄືລາບອັນປະເສີດອີກຂໍ້ໜຶ່ງທີ່ທຸກຄົນຕ້ອງການມີ ແຕ່ຈະບໍ່ມີໃຜມອບໃຫ້ເຮົາໄດ້ນອກຈາກເຮົາຕ້ອງເຮັດມັນຂຶ້ນມາເອງ ໃນຄໍລຳ ສຸຂະພາບມື້ນີ້ ແອັດມິນເລີຍມີ 4 ຂໍ້ງ່າຍໆມາໃຫ້ທຸກຄົນໄດ້ປະຕິບັດຖ້າຢາກເປັນຄົນທີ່ມີສຸຂະພາບແຂງແຮງ ແລະ ມີຄວາມງາມ ເຊິ່ງຈະມີຂໍໃດແນ່ນັ້ນເຮົາມາຮູ້ຈັກນຳກັນເລີຍ
- ຕ້ອງກິນອາຫານເຊົ້າທຸກມື້ຢ່າໄດ້ຂາດ ເພາະອາຫານເຊົ້າແມ່ນຄາບທີ່ສຳຄັນຕໍ່ຮ່າງກາຍຫຼາຍ ແລະ ອາຫານແຕ່ລະຄາບເຂົ້າຕ້ອງກິນຄົບສານອາຫານທັງຫ້າໝູ່
- ດື່ມນ້ຳໃຫ້ຫຼາຍໆຕໍ່ມື້ ເພາະນ້ຳຊ່ວຍລະບາຍຂອງເສຍອອກຈາກຮ່າງກາຍ ແລະ ຍັງມີປະໂຫຍດຕໍ່ລະບົບຕ່າງໆໃນຮ່າງກາຍ
- ໝັ່ນອອກກຳລັງກາຍເປັນປະຈຳ ເພື່ອຈະເຮັດໃຫ້ຮ່າງກາຍແຂງແຮງ
- ພັກຜ່ອນໃຫ້ພຽງພໍ ເພື່ອຈະຊ່ວຍໃຫ້ສຸຂະພາບຮ່າງກາຍ ແລະ ຈິດໃຈສົດຊື່ນມີຊີວິດຊີວາ
ເຮັດສີ່ຂໍ້ນີ້ເປັນປະຈຳຮັບຮອງວ່າທ່ານຈະໄດ້ຮັບຜົນລັບທີ່ໜ້າພໍໃຈ ຕ້ອງລອງເຮັດແລ້ວຈິ່ງຈະຮູວ່າແອັດມິນບໍ່ໄດ້ເວົ້າເກີນຄວາມຈິງ