Federica Bertocchini ນັກວິທະຍາສາດທີ່ສະຖາບັນ Institute of Biomedicine and Biotechnology of Cantabria ປະເທດສະເປນ ແລະ ເປັນນັກລ້ຽງເຜິ້ງສະໝັກຫຼິ້ນໄດ້ພົບກັບເລື່ອງບັງເອີນ ເມື່ອນາງໄດ້ເອົາໜອນແວ໊ກອອກຈາກຮັງເຜິ້ງ ໃສ່ມັນໄວ້ໃນຖົງຢາງພລາສຕິກມັດປາກຖົງໄວ້ທີ່ເຮືອນ ແລະ ນາງໄດ້ພົບວ່າໜອນຕົວນັ້ນໄດ້ຫາຍຕົວໄປ ແລະ ຖົງຢາງພລາສຕິກທີ່ມາ່ໜອນຕົວນັ້ນຂາດເປັນຮູ

ນັກວິທະຍາາດໄດ້ຄົ້ນພົບວ່າ ຕົວອ່ອນຂອງໜອນແມງກະເບື້ອກາງຄືນ Galleria mellonella ຫຼື ມີຊື່ທີ່ຮຽກວ່າ Greater wax moth ມີຄວາມສາມາດໃນການຍ່ອຍສະຫຼາຍພລາສຕິກໄດ້ ເຊິ່ງອາດເປັນກຸນແຈສຳຄັນທີ່ຈະໃຊ້ໃນການກຳຈັດພລາສຕິກໄດ້ ໂດຍໜອນຊະນິດນີ້ສາມາດຍ່ອຍສະຫຼາຍສານ “Polyethylene” ເຊິ່ງຖົງຢາງພລາສຕິກສ່ວນຫຼາຍແມ່ນໃຊ້ເປັນວັດຖຸດິບໃນການຜະລິດ ແລະ ຍ່ອຍສະຫຼາຍຍາກ.

ນີ້ຖືວ່າເປັນຂ່າວດີ ສຳລັບວົງການວິທະຍາສາດ ເພາະວ່າກ່ອນໜ້ານີ້ນັກວິທະຍາສາດຈະຄົ້ນພົບແບດທີເຣຍທີ່ສາມາດຍ່ອຍສະຫຼາຍພລາສຕິກໄດ້ແລ້ວ ແຕ່ຄວາມໄວໃນການຍ່ອຍສະຫຼາຍພລາສຕິກເຮັດໄດ້ຊ້າຫຼາຍ ບໍ່ອາດທຽບກັບຄວາມໄວທີ່ໜອນ Greater wax moth ເຮັດໄດ້.