ຕອນບ່າຍຂອງວັນທີ 22 ເມສາ 2017 ທີ່ຜ່ານມາ ຢູ່ທີ່ໂຮງແຮມ ຄລາວ ພລາຊາ ໄດ້ມີພິທີເປີດໂຕ ສະມາດໂຟນນະວັດຕະກຳໃໝ່ ແລະ ຄວາມທັນສະໄໝ ຈາກຄ້າຍ HUAWEI ໃໝ່ຫຼ້າສຸດ ນັ້ນກໍຄື HUAWEI P10/P10 PLUS ຂຶ້ນຢ່າງເປັນທາງການ ໂດຍມີທ່ານ ຊູຈິນຢົງ ຜູ້ອຳນວຍການຝ່າຍອຸປະກອນສື່ສານຫົວເຫວີຍປະຈຳປະເທດລາວ ພ້ອມດ້ວຍແຂກຖືກເຊີນເຂົ້າຮ່ວມເປັນຈຳນວນຫຼາຍ.
ພາຍໃນງານນອກຈາກມີການອະບາຍຄຸນລັກສະນະພິເສດໂດຍລວມຂອງ HUAWEI P10/P10 PLUS ແລະ ໄດ້ມີການທົດລອງສຳຜັດເບິ່ງຕົວຈິງກັນແລ້ວ ຍັງໄດ້ມີຊ່າງພາບມືອາຊີບອັນດັບຕົ້ນໆ ຂອງປະເທດລາວທີ່ໄດ້ມາຮ່ວມແບ່ງປັນປະສົບການການຖ່າຍພາບງາມໆ ແລະ ແນະນຳວິທີການຖ່າຍຮູບດ້ວຍ HUAWEI P10/P10 PLUS ອີກດ້ວຍ.
ສຳຫຼັບ HUAWEI P10/P10 PLUS ແມ່ນຍັງຄົງມາພ້ອມກັບກ້ອງຫຼັງເລນຄູ່ທີ່ພັດທະນາຮ່ວມກັບ Leica ແລະ ກໍເປັນຄັ້ງທຳອິດທີ່ກ້ອງໜ້າກໍເລືອກໃຊ້ກ້ອງຂອງ Leica ທີ່ໃຫ້ຄຸນນະພາບໃກ້ຄຽງກັບກ້ອງມືອາຊີບ.
ທາງດ້ານການອອກແບບຕົວເຄື່ອງ ໄດ້ເຜີຍໃຫ້ເຫັນເຖິງຄວາມຊ່ຽວຊານທາງດ້ານໂລຫະທີ່ພັດທະນາຂຶ້ນໄປອີກຂັ້ນ ຕາມທີ່ເອີ້ນກັນວ່າຄວາມໂຄ້ງມົນ Hyper diamond-cut ແລະ ທາງເລືອກໃໝ່ຂອງສີສັນ ທີ່ສຳຄັນຫົວເຫວີຍຍັງມີຄວາມພູມໃຈນຳສະເໜີການບໍລິການຫຼັງການຂາຍທີ່ດີທີ່ສຸດໃຫ້ກັບລູກຄ້າ HUAWEI P10/P10 PLUS ເຊັ່ນຮັບປະກັນໜ້າຈໍ 3 ເດືອນ ຫຼື ໄປຮັບເຄື່ອງຢູ່ເຮືອນມາສ້ອມແປງ ແລະ ສ້ອມແປງໄວພາຍໃນ 2 ຊົ່ວໂມງ.
