Homeຂ່າວຕ່າງປະເທດ"ສີ ຈິ້ນຜິງ" ຂໍຮ້ອງ "ທຣັມ" ໃຫ້ໃຊ້ຄວາມອົດທົນກັບເກົາຫຼີເໜືອ

“ສີ ຈິ້ນຜິງ” ຂໍຮ້ອງ “ທຣັມ” ໃຫ້ໃຊ້ຄວາມອົດທົນກັບເກົາຫຼີເໜືອ

Published on

ສຳນັກເອເອຟພີລາຍງານວ່າ ປະທານາທິບໍດີ ສີ ຈິ້ນຜິງ  ຮຽກຮ້ອງໃຫ້ “ໃຊ້ຄວາມອົດທົນ” ໃນເລື່ອງຂອງເກົາຫຼີເໜືອ ໃນລະຫວ່າງການສົນທະນາທາງໂທລະສັບກັບປະທານາທິບໍດີ ໂດນັລ ທຣັມ ຂອງສະຫະລັດອາເມລິກາ ເມື່ອວັນທີ 24 ເມສາ 2017 ກ່ອນໜ້າທີ່ເຮືອບັນທຸກເຮືອຮົບຂະໜາດໃຫຍ່ຂອງສະຫະລັດອາເມລິກາຈະເດີນທາງມາຮອດມະຫາສະໝຸດເກົາຫຼີ

ການສົນທະນາໃນເທື່ອນີ້ມີຂຶ້ນທ່າມກາງຄວາມກັງວົນຫຼາຍຂຶ້ນເລື່ອຍໆ ວ່າເກົາຫຼີເໜືອຈະທົດສອບມິສໄຊ ຫຼື ນິວເຄຣຍຮອບໃໝ່ ໃນໂອກາດຄົຍຮອບ 85 ປີການກໍ່ຕັ້ງກອງທັບປະຊາຊົນເກົາຫຼີໃນວັນທີ 25 ເມສາ (ມື້ນີ້)

ກ່ອນໜ້ານີ້ວັນດຽວກັນ ທ່ານ ທຣັມ ໄດ້ສົນທະນາທາງໂທລະສັບກັບທ່ານລັດຖະມົນຕີ ຊິນໂສະ ອາເບະ ຂອງຍີ່ປຸ່ນເຖິງເລື່ອງການຊ້ອມຮົບຮ່ວມລະຫວ່າງເຮືອບັນທຸກເຮືອບິນຢູເອສເອສ ຄາຣ໌ວິນສັນ ແລະ ກອງກຳລັງປ້ອງກັນຕົວເອງຂອງຍີ່ປຸ່ນ ເຊິ່ງຜູ້ນຳທັງສອງເຫັນພ້ອມທີ່ຈະຕິດຕໍ່ກັນຢ່າງໃກ້ຊິດໃນເລື່ອງຂອງເກົາຫຼີເໜືອ ຂະນະດຽວກັນກໍ່ໄດ້ຮຽກຮ້ອງໃຫ້ເກົາຫຼີເໜືອສະແດງຄວາມອົດທົນໃນຊ່ວງໄລຍະທີ່ມີຄວາມຕຶງຄຽດໃນພາກພື້ນທີ່ມີລະດັບເພີ່ມສູງຂຶ້ນ

ດ້ານທ່ານ ອັນ ຊໍຊູ ມະຫາເສດຖີທຸລະກິດຊອຟແວໜ໌ ຜູ້ສະໝັກເຂົ້າຊິງຕຳແໜ່ງປະທານາທິບໍດີເກົາຫຼີໃຕ້ ເປີດເຜີຍໃນການສຳພາດກັບສຳນັກຂ່າງຣອຍເຕີໃນວັນດຽວກັນນີ້ວ່າ ເລັ່ງທີ່ຈະຟື້ນຟູການເຈລະຈານິວເຄຣຍ 6 ຝ່າຍເຊິ່ງປະກອບມີເກົາຫຼີເໜືອ, ຈີນ,​ ຍີ່ປຸ່ນ, ສະຫະລັດ, ຣັດເຊຍ ເພື່ອປົດອາວຸດເກົາຫຼີເໜືອທີ່ເຄີຍຢຸດສະງັກໄປຕັ້ງແຕ່ປີ 2008.

ແຫລ່ງຂ່າວຈາກ: ມະຕິຊົນອອນໄລນ໌

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...