ເວັບໄຊຂ່າວ laosportnews ລາຍງານຈາກສະໜາມແຂ່ງຂັນ Thailand Karate-do Open 2017 ໃນວັນທີ 24 ເມສາ 2017 ນີ້ ເຊິ່ງທີມຄາລາເຕ້ໂດ້ ສີໂຄດຕະບອງ ໃນນາມປະເທດລາວ ສາມາດຍາດໄດ້ 1 ຫຼຽນຄຳ, 1 ຫຼຽນເງິນ ແລະ 3 ຫຼຽນທອງ ຈາກຜົນງານຂອງນາງ ມະໄລພອນ ເພັດດາວເຮືອງ ຍາດມາໄດ້ 1 ຫຼຽນຄຳ ປະເພດກະຕະດ່ຽວຍິງ ລຸ້ນເຍົາວະຊົນ ອາຍຸບໍ່ເກີນ 9 ປີ, 1 ຫຼຽນເງິນ ໄດ້ມາຈາກທ້າວ  ອຳຄາ ວົງພະຈັນ ປະເພດທ່າລຳ ກະຕະດ່ຽວຊາຍ ລຸ້ນ 18 ປີ ຂຶ້ນໄປ, ແລະ 3 ຫຼຽນທອງ ໄດ້ມາຈາກ ທ້າວ ຣິກກີ້ ວົງຄຳສາ ປະເພດຕໍ່ສູ້ດ່ຽວຊາຍ ລຸ້ນອາຍຸບໍ່ເກີນ 14-15 ປີ, ທ້າວ ສະລັນ ມະນິສິງ ປະເພດຕໍ່ສູ້ດ່ຽວຊາຍ ລຸ້ນອາຍຸບໍ່ເກີນ 15-16 ປີ – 55 kg ແລະ ທ້າວ ອາເລັກ  ປະເພດຕໍ່ສູ້ດ່ຽວຊາຍ ລຸ້ນອາຍຸບໍ່ເກີນ 17 ປີ + 76 kg.

ເຊິ່ງການແຂ່ງຂັນໃນຄັ້ງນີ້ມີ 14 ປະເທດ ແລະ 40 ພາກສ່ວນເຂົ້າຮ່ວມ ທາງທີມງານຂອງພວກເຮົາຂໍສະແດງຄວາມຊົມເຊີຍກັບຜົນງານທີ່ນ້ອງໆນັກກີລາທຸກຄົນຍາດມາໄດ້