ໃນວັນທີ 19 ເມສາ 2017 ຜ່ານມາ ທີ່ຫ້ອງການສະພາປະຊາຊົນແຂວງຫຼວງພະບາງ ໄດ້ມີພິທີມອບ-ຮັບ ເຄື່ອງຊ່ວຍເຫຼືອຈາກຜູ້ແທນປະຊາຊົນ ກິ່ງແຂວງເວີນສານ ແຂວງຢູນນານ ແຫ່ງສປ ຈີນ ໃຫ້ແກ່ສະພາປະຊາຊົນແຂວງຫຼວງພະບາງ ໂດ້ມີພາກສ່ວນກ່ຽວຂ້ອງເຂົ້າຮ່ວມ ເຊິ່ງໃຫ້ກຽດມອບໂດຍ ທ່ານລີປາວ ກວາງ ຫົວໜ້າກົງສູນໃຫຍ່ແຫ່ງສປຈີນ ປະຈຳຫຼວງພະບາງ ຮັບໂດຍທ່ານ ສາຍສະໝອນ ຄົມທະວົງ ປະທານສະພາປະຊາຊົນແຂວງຫຼວງພະບາງ
ເຄື່ອງທີ່ນຳມາຊ່ວຍເຫຼືອນັ້ນປະກອບມີ ຄອມພິວເຕີຕັ້ງໂຕະ ຈໍານວນ 9 ເຄື່ອງ, ເຄື່ອງປິ່ນເຕີ 8 ເຄື່ອງ, ຈັກກ໋ອບປີ 4 ເຄື່ອງ, ລົດຈັກ HONDA 5 ຄັນ, ລວມມູນຄ່າທັງໝົດ:120.000.000ກີບ ໃຫ້ແກ່ສະພາປະຊາຊົນແຂວງຫຼວງພະບາງ.
ຈາກນັ້ນ ທ່ານສາຍສະໝອນ ຄົມທະວົງ ກໍໄດ້ກ່າວສະແດງຄວາມຂອບໃຈຢ່າງສູງ ຕໍ່ການຊ່ວຍເຫຼືອຂອງກົງສູນໃຫຍ່ ສປຈີນ ຄັ້ງນີ້ ແລະໄດ້ມອບໃບຂອບໃຈ ໃຫ້ປະຊາຊົນກິ່ງແຂວງເວິນສານ ແຂວງຢູນນານຜ່ານທາງກົງສູນຕື່ມອີກ
ແຫຼ່ງຂ່າວ: ໜັງສືພິມ ເສດຖະກິດ-ສັງຄົມ