ບີບີຊີລາຍງານເມື່ອວັນທີ 21 ເມສາ 2017 ວ່າ ການປິ່ນປົວແມ່ຍິງຄົນອີຢິບ ທີ່ມີບັນຫາໂຣກອ້ວນຜິດປົກກະຕິ ຈົນມີນໍ້າໜັກເຖິງ 500 ກິໂລກຣາມ ເຊິ່ງຄະນະແພດອິນເດຍໄດ້ເວົ້າວ່າ ຫຼັງການຜ່າຕັດໄປເມື່ອ 2 ເດືອນກ່ອນ ຂະນະນີ້ນໍ້າໜັກຂອງຄົນໄຂ້ຫຼຸດລົງໄປແລ້ວ 250 ກິໂລກຣາມ ແລະເຮັດໃຫ້ລາວນັ່ງລົດເຂັນໄດ້ແລ້ວ

ນາງ ເອມັນ ອັບດຸລ ອາຕີ ຖືກສົ່ງຕົວຈາກອີຢິບ ມາປິ່ນປົວແບບພິເສດ ທີ່ໂຮງໝໍໄຊຟີ ເມືອງມຸມໄບ ດ້ວຍການຊ່ວຍເຫຼືອຂອງລັດຖະມົນຕິອິນເດຍ ທີອະນຸຍາດໃຫ້ຂຶ້້ນຍົນເຂົ້າປະເທດມາໄດ້ ດ້ວຍຄວາມສົງສານວ່າຜູ້ຍິງຄົນນີ້ມີຊີວິດທີ່ທຸກທໍລະມານ ໄປທາງໃດບໍ່ໄດ້ມາດົນກວ່າ 25 ປີແລ້ວ

ຕອນນີ້ທີມແພດລໍຖ້າໃຫ້ຄົນເຈັບນໍ້າໜັກຫຼຸດລົງເຖິງລະດັບທີ່ເຂົ້າເຄື່ອງຊີທີສແກນໄດ້ ເພື່ອຈະໄດ້ຊ່ວຍປິ່ນປົວອາການເສັ້ນເລືອດຕີບດັ່ງກ່າວ, ຂັ້ນຕອນຈາກນີ້ໄປ ເມື່ອກາຍ 6 ເດືອນແລ້ວ ຄືຈະໃຫ້ຢາສຳລັບປິ່ນປົວອາການໂຣກຕຸ້ຍ ເປັນຢາທີ່ຕ້ອງສັ່ງຈາກອາເມລິກາ

ຄອບຄົວຂອງນາງ ອາຕີ ໄດ້ເວົ້າວ່າ ລາວມີນໍ້າໜັກຕອນເກີດ 5 ກິໂລກຣາມ ຈາກນັ້ຍຍັງຕິດເຊື້ອໂຣກຕີນຊ້າງ ຕັ້ງແຕ່ອາຍຸ 11 ປີເປັນຕົ້ນມາ ນໍ້າໜັກຕົວກໍເພີ່ມຂຶ້ນຢ່າງໄວ ຈົນຮອດຕອນເກີດພາວະເສັ້ນເລືອດອຸດຕັນກໍໄດ້ແຕ່ນອນເທິງຕຽງ ມີແມ່ ແລະເອື້ອຍຄອຍດູແລ