ແມ່ຖືພາຕ້ອງເອົາໃຈໃສ່ຄົວເອງເປັນພິເສດ ທັງອາຫານການກິນກໍ່ສຳຄັນຄວນເລືອກກິນສິ່ງທີ່ເປັນປະໂຫຍດຕໍ່ຮ່າງກາຍ ແລະ ລູກໃນທ້ອງທີ່ສຸດ ນອກຈາກນັ້ນແລ້ວຍັງມີຂໍ້ຫ້າມອີກຫຼາຍໆຢ່າງທີ່ຄົນຖືພາບໍ່ຄວນເຮັດ ເພື່ອລຸດຄວາມສ່ຽງທີ່ລູກເກີດມາຈະເປັນພິການ ໃນຄໍລຳ ແມ່ ແລະ ລູກ ມື້ນີ້ແອັດກໍ່ມີສິ່ງທີ່ແມ່ຖືພາຄວນຢຸດເຮັດ! ຖ້າບໍ່ຢາກໃຫ້ລູກເກີດມາສ່ຽງເປັນພິການ ມາຝາກ
ຖືພາແລ້ວຫ້າມຂາດສານໂຟເລດ
ປະໂຫຍດຂອງການກິນໂຟເລດຂອງແມ່ຖືພາ ສາມາດປ້ອງກັນຄວາມພິການແຕ່ກຳເນີດໄດ້ເກືອບທັງໝົດ ບໍ່ວ່າຈະເປັນຫຼອດປະສາດບໍ່ປິດ ໂຣກຫົວໃຈພິການແຕ່ກຳເນີດ ໂຣກປາກແຫວ່ງເພດານໂຫວ່ ແຂນຂາພິການແຕ່ກຳເນີດ
ຖືພາແລ້ວຫ້າມກິນຢາໂລເລ ເພາະຈະເປັນອັນຕະລາຍຕໍ່ລູກ
ຢາບາງຊະນິດອາດເປັນພິດຕໍ່ອະໄວຍະວະເພດຂອງລູກເຊັ່ນ: ຢາແອສໄພຣິນ, ຢາສະເຕັບໂຕໄມຊິນ ແລະ ຢາເພນນິຊິລິນ ເປັນຕົ້ນ ດັ່ງນັ້ນແມ່ຖືພາຕ້ອງລະວັງຫຼາຍ ໃນການກິນຢາ ໂດຍສະເພາະໃນໄລຍະ 3 ເດືອນ ທຳອິດ ກັບ ໄລຍະໃກ້ເກີດ
ຖືພາແລ້ວບໍ່ຄວນດື່ມເຫຼົ້າ ດື່ມເຄື່ອງດື່ມທີ່ມີສານແອລກໍຮໍ
ຫາກແມ່ຖືພາມັກດື່ມເຫຼົ້າເປັນປະຈຳ ຈະເຮັດໃຫ້ສ່ຽງເກີດການແທ້ງໄດ້ງ່າຍ ແລະ ລູກອາດຕາຍໃນລະຫວ່າງເກີດໄດ້ ຫຼື ອາດເປັນພິການ ອາດເປັນປັນຍາອ່ອນໄດ້
ຖືພາແລ້ວບໍ່ຄວນສູບຢາ
ສານເຄມີໃນຢາສູບ ຈະທຳລາຍໂຄຣໂມໂຊມຂອງລູກໃນທ້ອງເຮັດໃຫ້ລູກຕາຍຕັ້ງແຕ່ເກີດ ຫຼື ເຮັດໃຫ້ລູກໃຫຍ່ຊ້າກວ່າປົກກະຕິ ມີນ້ຳໜັກ, ສ່ວນສູງ, ຮອບເອິກ ແລະ ຮອບຫົວຕ່ຳກວ່າເກນລະບົບປະສາດ ລະບົບການຫາຍໃຈ ແລະ ຫຼອດເລືອດພົບວ່າມີບັນຫາລະບົບທາງເດີນຫາຍໃຈ ເມື່ອໃຫຍ່ຂຶ້ນຈະມີແນວໂນ້ມເປັນໂຣກຫອບຫືດ
ຖືພາລ້ວບໍ່ຄວນໄດ້ຮັບສານເຄມີທີ່ເປັນອັນຕະລາຍ
ການໄດ້ຮັບສານເຄມີບາງຊະນິດໃນຂະນະຖືພາ ສາມາດເຮັດໃຫ້ເກີດອັນຕະລາຍຕໍ່ລູກໃນທ້ອງ ດັ່ງນັ້ນ ແມ່ຖືພາຄວນຫຼີກລ່ຽງກນສູດດົມ ຫຼື ກິນສານໃດໆ ທີ່ເປັນອັນຕະລາຍຕໍ່ສຸຂະພາບ ເພາະສານທີ່ໄດ້ຮັບເຂົ້າໄປນັ້ນອາດສົ່ງຜົນອັນຕະລາຍແກ່ລູກນ້ອຍໄດ້