ໃນຍຸກສະໄໝນີ້ອັນໃດປະຢັດໄດ້ກໍ່ຄວນປະຢັດ ຄົນທີ່ໃຊ້ລົດຕ່າງກໍ່ຮູ້ດີວ່າເວລານ້ຳມັນລົງ ລົງພຽງໜ້ອຍ ແຕ່ເວລານ້ຳມັນຂຶ້ນພັດຂຶ້ນຫຼາຍກີບຢູ່ ດັ່ງນັ້ນມື້ນີ້ໃນຄໍລຳ ສາລະໜ້າຮູ້ ແອັດມິນກໍ່ເລີຍ ມີວິທີທີ່ຊ່ວຍໃຫ້ຄົນມີລົດປະຢັດນ້ຳມັນມາຝາກ ເຊິ່ງຈະເຮັດແນວໃດນັ້ນ ເຮົາມາຮູ້ຈັກນຳກັນເລີຍ

1. ຢ່າຂັບລົດໄວ ເພາະການຂັບລົດໄວຈົນເກີນໄປຈະເຮັດໃຫ້ສິ້ນເປືອງນ້ຳມັນຫຼາຍ ບໍ່ຄວນຂັບລົດເກີນ 80 ກມ/ຊມ ເພາະມັນຈະຊ່ວຍໃຫ້ທ່ານປະຢດນ້ຳມັນໄດ້ເຖິງ 10-15%

2. ຄວນອອກລົດຢ່າງຄ່ອຍໆອອກ ຢ່າອອກຕົວລົດໄວແບບລົດແຂ່ງ ເພາະການອອກຕົວລົດແຮງ ແລະ ໄວ ຈະເຮັດໃຫ້ສິ້ນເປືອງນ້ຳມັນລົດຫຼາຍ ແລະ ຍັງເຮັດໃຫ້ສິ້ນສ່ວນຂອງເຄື່ອງຈັກລຸ້ຍຫ້ຽນໄວອີກດ້ວຍ

3. ໃຊ້ຄວາມໄວຢ່າງສະໜ່ຳສະເໜີຕະຫຼອດການເດີນທາງ

4. ການຂັບລົດຄວນມີການຄາດການໄວ້ລ່ວງໜ້າເມື່ອໃກ້ຮອດທາງແຍກ, ທາງໂຄ້ງ ຫຼື ທາງມ້າລາຍ ຄວນຈະຄ່ອຍໆຫຼຸດຜ່ອນຄວາມໄວແຕ່ໄກໆໄວ້ ບໍ່ແມ່ນເມື່ອມາຮອດຈຸດແລ້ວຈິ່ງລຸດຄວາມໄວລົງບາດດຽວ

5. ກຳນົດການໃຊ້ລົດ ຄອບຄົວໜຶ່ງ ເມື່ອຕ້ອງເດີນທາງໄປທາງດຽວກໍ່ຄວນໄປພ້ອມກັນ ປະຢັດນ້ຳມັນດີ

6. ຕ້ອງເລືອກໃຊ້ເສັ້ນທາງທີ່ໄປຮອດຈຸດໝາຍໄດ້ໄວທີ່ສຸດ

7. ມອດຈັກລົດທຸກເທື່ອເມື່ອຈອດລົດ ຫາກຕ້ອງມີການລໍຖ້າ 3-4 ນາທີຂຶ້ນໄປ ກໍ່ຄວນດັບເຄື່ອງກ່ອນ

8. ການອຸ່ນເຄື່ອງຍົນໃນຕອນເຊົ້າ ຄວນອຸ່ນເຄື່ອງປະມານ 1-2 ນາທີ ກ່ອນທີ່ຈະໃຊ້ລົດ

9. ຄວນໃຊ້ເຄື່ອງປັບອາກາດເທົ່າທີ່ຈຳເປັນ ເພາະການໃຊ້ເຄື່ອງປັບອາກາດຈະເຮັດໃຫ້ເຄື່ອງຍົນທຳງານໜັກ ແລະ ມີຄວາມສິ້ນເປືອງນ້ຳມັນເຊື້ອງເພີງເຖິງ 10%

10.ລົມຢາງຕີນລົດໃຫ້ຢູ່ໃນຕາມກຳນົດມາດຕະຖານ ທັງຕີນໜ້າຕີນຫຼັງ ເພາະຖ້າຢາງຕີນລົດອ່ອນເກີນໄປຈະເຮັດໃຫ້ໜ້າຢາງມີຄວາມສຽດສີຫຼາຍ ເຮັດໃຫ້ສິ້ນເປືອງນ້ຳມັນຫຼາຍຄືກັນ

11.ມີການກວດສະພາບຂອງລົດ ເຄື່ອງຍົນ ແລະ ອຸປະກອນຕ່າງໆໃຫ້ຢູ່ຕາມມາດຕະຖານທີ່ກຳນົດໄວ້

12.ໝັ່ນກວດເຊັກໝໍ້ກອງສະເໝີ ເພາະໝໍ້ກອງເປັນສ່ວນສຳຄັນໃນການທີ່ຈະຖ່າຍເທອາກາດເຂົ້າໄປເຮັດປະຕິກິລິຍາພາຍໃນເຄື່ອງ ຖ້າມັນອຸດຕັນຈະເຮັດໃຫ້ເຄື່ອງຍົນທຳງານໜັກກວ່າປົກກະຕິ ແລະ ຈະສິ້ນເປືອງນ້ຳມັນຫຼາຍຂຶ້ນ

13.ຢ່າບັນທຸກນ້ຳໜັກເກີນ ເພາະຈະເຮັດໃຫ້ເຄື່ອງຍົນກິນນ້ຳມັນຫຼາຍຂຶ້ນ ແລະ ຍັງລຸ້ຍຫ້ຽນໄວອີກຕ່າງຫາກ

14.ຢ່າລືມປົດເບກມື ຖ້າເປັນລົດຮຸ່ນເກົ່າ ແລະ ຢ່າລາກເກຍລົດໂດຍບໍ່ຈຳເປັນ ຄວນປ່ຽນເກຍຕາມຈັງຫວະ ແລະ ຮອບຄວາມໄວໃນການໃຊ້ງານ ເພາະການລາກເກຍດົນໆ ຈະເຮັດໃຫ້ເຄື່ອງຍົນທຳງານໜັກ ກິນນ້ຳມັນຫຼາຍຂຶ້ນ

15.ເລືອກໃຊ້ນ້ຳມັນລໍ່ລື່ນທີ່ເໝາະສົມ ແລະ ມີການປ່ຽນນ້ຳມັນເຄື່ອງເມື່ອເຖິງເວລາກຳນົດ ຈະຊ່ວຍຖະໜອມເຄື່ອງຍົນໄດ້ຫຼາຍ

16.ຢ່າບັນທຸສິ່ງຂອງເທິງຫຼັງຄາໂດຍບໍ່ຈຳເປັນ ເພາະຈະເກີດແຮງຕ້ານ